
Bendewariya kedkarên tenduristiyê ji sala 2021’an: Em dixwazin bêhna xwe vedin   

2020-12-28 09:35:51


	ENQERE – Kedkarên tenduristiyê diyar kirin ku bi şewba koronayê re barê wan giran bûye û ew ji meha adarê ve bi kedxwariyê rûbirû mane û dixwazin di sala 2021’an de bêhna xwe vedin.&nbsp;

	Sendîkayên tenduristiyê, siyasetmedar, pispor û kedkarên tenduristiyê dibêjin di vê pêvajoya şewba vîrûsa koronayê (Kovîd-19) herî zêde tesîrek neyînî li ser xebatkarên tenduristiyê hatiye kirin û ew bi rîska koronayê re rûbirû mane. Sendîka û odeyên bijîşkan diyar dikin ku tevî hemû gilî û gazinan û bertekan jî şert û mercên xebatkarên tenduristiyê nehatine başkirin û ew hêj bi rîskên mezin re rûbirû dixebitin.&nbsp;

	&nbsp;

	Xebatkarên tenduristiyê diyar kirin ku ew di sala 2020’an de gelek westiyane û dixwazin di sala 2021’an de şertên wan werin başkirin û bêhna xwe vedin.

	&nbsp;

	‘MAFÊ JINAN HAT XWARIN’&nbsp;

	&nbsp;

	Sekretera Jinan a Şaxa Sendîkaya SES’ê Meryem Gonbe diyar kir ku kedkarên tenduristiyê di sala 2020’an de di nava şertên nebaş de xebitîn û got: “Pergalê di aliyekî de pesnê pergala tenduristiyê da û lê li aliyê din tenduristiya xebatkarên tenduristiyê piştguhkirin.” Gonbe da zanîn ku mafê jinan li qada tenduristiyê jî tune hat hesibandin û di vê pêvajoya şewbê de pirsgirêkên li ser bingeha zayendiyê zêde bûn.&nbsp;

	&nbsp;

	‘BILA DAWÎ LI POLÎTÎKAYÊN CIHÊKARIYÊ WERE ANÎN’&nbsp;

	&nbsp;

	Gonbe anî ziman ku dema destûra welidandinê ya bi muçe divê were zêder herî derxin 6 mehan û got: “Divê di sala 2021’an de ji bo kedkarên tenduristiyê salek xweş û têr û tije were mîsogerkirin. Lazime ew di karên angarya de neyên xebitandin. Xebatkarên tenduristiyê westiyan e, divê bêhna xwe vedin. Lazime di budçeya navendî de wekheviya zayendiya civakî esas were girtin û dawî li polîtîkaya cudakar a li dijî jinan were anîn.”&nbsp;

	&nbsp;

	‘BILA BIBE SALA BÊHNVEDANÊ’&nbsp;

	&nbsp;

	Endama Desteya Rêveberiya Odeya Bijîşkan a Enqereyê Laleş Tûnç jî anî ziman ku hekîmên asîstan di sala 2020’an de bi Kovîd-19 razan û bi Kovîd-19 ji xewê şiyar bûn û got: “Bi şewbê re barê hekîmên asîstan giran bûye. Ji ber ku dabeşkirina kar newekhev tê parvekirin kar û barê xebatkarên tenduristiyê hatiye girankirin. Salek nexweş bû û em gelek westiyan. Bendewariya me ji sala 2021’an ew e ku barê kar adil were dabeşkirin, dema plansazî hatin kirin fikra me were girtin, faliyetên perwerdehiya me li ber çavan were girtin û em dixwazin di vê salê de bêhna xwe berdin.”&nbsp;

	&nbsp;

	‘EM XWARINÊ DIXWAZIN’&nbsp;

	&nbsp;

	Nûrûllah Sîvlîm ê li Nexweşxaneya Zanîngeha Enqereyê nêzî du salan e hemşîretiyê dike anî ziman ku di şewbê de barê karê wan zêde giran bûye û ew sala pêşiya xwe di 2021’an de hem xwarinê û hem jî şertên baş dixwazin.&nbsp;

	&nbsp;

	‘BILA XEBATKAR WERIN TAYÎNKIRIN’&nbsp;

	&nbsp;

	Endamê Desteya Rêveberiya Odeya Bijîşkan a Enqereyê û Pisporê Hekîmtiya Malbatan Umît Yaşar Oztoprak anî ziman ku ji ber xebata derziyê li Navendên Tenduristiyên Malbatan tên kirin karê wan pir zêde bûye û ew gelek westiyane û dixwazin di sala 2021’an bêhna xwe vedin û ew dixwazin xebatkarên tenduristiyê hatine îxrackirin vegerin karê xwe û hekîmên nû werin tayînkirin.&nbsp;

	&nbsp;

	‘SALEK KEDXWARÎ BÛ’&nbsp;

	&nbsp;

	Altan Tayîh ê li Nexweşxaneya Bajêr a Bîlkentê wek personele idarî dixebite jî destnîşan kir ku sala 2020’an ji bo kedkarên tenduristiyê salek xerab bû û ew gelek westiyan e û bi kedxwariyê re rûbirû mane. Tayîh got ji ber ew westiyane dixwazin bêhna xwe vedin.&nbsp;

	&nbsp;

	MA/ Emrûllah Acar

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;