
SES: Kes nikare mafê îstîfaya xebatkarên tenduristiyê desteser bike 

2021-04-16 14:36:03


	&nbsp;

	ENQERE - Hevseroka SES’ê Selma Atabey diyar kir ku bi giştînameya Wezareta TenduristiyAê re qedexeya îstîfayê ku hatiye hêj didome û desteserkirina vî mafê kedkarên tenduristiyê li dijî Destûra Bingehîn e.&nbsp;

	&nbsp;

	Hevseroka Giştî ya Sendîkaya Kedkarên Xizmeta Tenduristî û Civakî (SES) Selma Atabey di çarçoveya sînordarkirinên pandemiyê de giştînameya Wezareta Tenduristiyê civîna çapemeniyê li dar xist. Atabey li Navenda Giştî ya SES’ê civîn li dar xist û pankarta “Em giştînameyên cihêkar ên li dijî kedkarên tenduristiyê qebûl nakin û em mafên xwe dixwazin” hat daliqandin.&nbsp;

	&nbsp;

	Atabey destnîşan kir ku herî zêde xebatkarên tenduristiyê bi xetereya Kovîd-19’ê re rûbirû ne û ev ne bes e her wiha barê ser pişta xebatkaran jî zêde bûye. Atabey bal kişand ser zêdebûna hejmara miriyan û pêketiyên koronayê û niha li ber meha sibatê hejmara miriyan û pêketiyan 10 qat zêde bûye.&nbsp;

	&nbsp;

	‘EM DIKARIN DERBAS BIKIN’

	&nbsp;

	Atabey anî ziman ku hejmarên tên eşkerekirin ne hejmarên rastî ne û tişta diqewime rewşek civakî ye û divê her kes bi hev re hesas tevbigere û dikaribin vê pêvajoyê derbas bikin û lazim e rayedar daxuyanî û sererastkirinên baldartir bikin.&nbsp;

	&nbsp;

	391 XEBATKARÊN TENDURISTIYÊ MIRIN E&nbsp;

	&nbsp;

	Atabey bi bîr xist ku heta îro li gorî tespîtên hatine kirin 391 kedkarên tenduristiyê jiyana xwe ji dest dane û bi ser 180 hezar xebatkarên tenduristiyê enfekte bûne. Atabey got pêwîste hemû sozên ji bo xebatkarên tenduristiyê hatine dayîn bi cih werin.&nbsp;

	&nbsp;

	MAFÊ XEBATKARAN TÊ DESTESRKIRIN&nbsp;

	&nbsp;

	Atabey diyar kir ku bi giştînameya Wezareta TenduristiyAê re qedexeya îstîfayê ku hatiye hêj didome û desteserkirina vî mafê kedkarên tenduristiyê li dijî Destûra Bingehîn e. Atabey anî ziman ku xebatkarên tenduristiyê û bi taybetî xebatkarên jin bi cihêkariyê re rûbirû dimînin. Atabey bang li Wezareta Tenduristiyê kir û xwest daxwaz û pêşniyazên xebatkarên tenduristiyê pêk were û demildest bi hezaran kedkarên tenduristiyê li benda kadrobûnê ne bi awayek mîsogerî tayînkirina wan were kirin. Atabey da zanîn ku divê rêxistinên meslekî û kedê yên qada tenduristiyê daxilî rêveberiya pandemiyê ya biryargirtinê werin kirin û divê Kovîd-19 di çarçoveya wek qeza kar û nexweşîna meslekî were pênasekirin.&nbsp;

	&nbsp;

	&nbsp;