
Esnafê ku bertek nîşanî zeman da hat girtin

2021-11-14 09:39:09


	&nbsp;

	WAN - Li Wanê, bi hinceta ku qedexeya çalakiyan a walîtiyê bin pê kiriye esnaf Abdullah Onar hat binçavkirin.&nbsp;

	&nbsp;

	Abdullah Onar ku beriya li ser kolana Beşyol a Wanê mîqrefonê dabû destê xwe û gotibû: "Dewlet li kudere? Wezîr li kudere? Şornokê ku min beriya 3 rojan bi 9 TL'yan kirîbû bûye 15 TL." û bal kişandibû ser qrîza aborî, li heman kolanê careke din bi heman rêbazê bertek nîşanî zeman da.&nbsp;

	&nbsp;

	

	&nbsp;

	'HER ROJ ZEM WÊ ÇAWA BIBE?'

	&nbsp;

	Onar ku bi etariyê debara xwe dike, di dîmenên wî yên hatine kişandin de Parlamenterê AKP'ê Abdûllah Arvasi, vexwend ku li marketekî dan û standinê bike. Onar, mîqrefonê dirêjî gel jî dike û dibêje ku tenekekî rûnbûye 400 TL. Dema ku Onar diaxive welatiyek din dikeve navberê û ev tişt dibêje: "Welalî bîleahî em nikarin tenekekî rûn bikirin." Di berdewama axaftina xwe de Onar, ev tişt dibêje: "Ez diçime gundan, şerm dikim û vedigerim. Xurmayên ku duh bi 60 TL'yî kirî niha bûye 70 TL. Dewlet li kudere? 3 kîlo û nîv şornokên ku min bi 32 milyonan dikirî niha bûye 70 TL. Her roj zem zem wê çawa bibe?"

	&nbsp;

	POLISAN MÎQREFONÊ BI ZORÊ JI ONAR GIRTIN Û EW BINÇAV KIRIN

	&nbsp;

	Dema ku Onar diaxivî, pollisan xwest ku mîqrefona xwe bigire. Onar, got ku qrîza aborî û zeman şermezar dike û wê bêdeng nebe û bertek nîşanî mudaxaleya polisan da. Li ser vê polisan mîqrefonê bi zorê ji destê Onar girtin û bi hinceta qedexeya çalakiyan aWalîtiya Wanê wî binçav kirin.&nbsp;

	&nbsp;

	Piştî ku îfadeyê Onar li emniyetê girtin wî berdan.&nbsp;

	&nbsp;

	&nbsp;