
Rêxistinên ked û pîşeyî banga beşdariya mitînga Îzmîrê kirin  

2021-12-16 17:00:55


	&nbsp;

	ÎZMÎR - Rêxistinên ked û pîşeyî ji bo mitînga “Em nikarin debara xwe bikin” a ku wê KESK di 18’ê mehê de li Îzmîrê li dar bixin banga beşdariyê kirin.&nbsp;

	&nbsp;

	Konfedarasyona Sendîkayên Kedkarên Cemaweriyê (KESK) wê di 18’ê kanûnê de bi dirûşma “Em nikarin debara xwe bikin” mitîngek li dar bixe. Rêxistinên ked û pîşeyî yên Îzmîrê ji bo beşdariya mitîngê li avahiya DÎSK’ê ya Herêma Egeyê civîna çapemeniyê li dar xistin. Nûnerên rêxistinên ked û pişeyî û partiyên siyasî beşdar bûn.&nbsp;

	&nbsp;

	Sekreterê TMMOB’ê yê Îzmîrê Aykut Akdemîr daxuyanî da û li dijî pergala faşîzmê banga beşdariya mitîngê kir.&nbsp;

	&nbsp;

	DENGÊ XWE BILIND DIKIN&nbsp;

	&nbsp;

	Sekreterê Odeya Bijîşkan a Îzmîrê Nûrî Seha Yuksel jî axivî û destnîşan kir ku divê dengê wan li dijî feqîrî û birçîbûnê zêdetir derkeve û divê her kes li dijî vê pêla krîza aborî têbikoşe.&nbsp;

	&nbsp;

	BANGA YEKÎTIYÊ KIR&nbsp;

	&nbsp;

	Berdevkê Demê yê Platforma Şaxan a KESK’ê Veysel Beyazadam jî axivî û anî ziman ku divê hemû rêxistinên ked û pîşeyî û partiyên siyasî li dijî polîtîkayên xizanîkirin û bêkariyê û birçîbûnê yên îqtidarê têbikoşe û rê nedin ku ev pêla faşîzmê bi ser bikeve û li dijî zextan banga yekîtiyê kir.&nbsp;

	&nbsp;

	FEQÎRÎ MAFÊ MIROVAN BINPÊ DIEK&nbsp;

	&nbsp;

	Serokê Baroya Îzmîrê Ozkan Yucel jî diyar kir ku feqîrî û krîza aborî rê li ber gelek binpêkirinên mafan vedike û got êdî ew hemû li Tirkiyê karker in.&nbsp;

	&nbsp;

	MIL BIDIN MILÊ HEV&nbsp;

	&nbsp;

	Nûnerê DÎSK’ê yê Herêma Egeyê Memîş Sari jî da zanîn ku divê her kes li dijî vê îqtidara ceberût mil bide milê hev û li kêleka hev bisekine.&nbsp;

	&nbsp;

	&nbsp;