
Polîsan êrişî kedkarên tenduristiyê kirin 

2022-02-08 14:06:36


	&nbsp;

	WAN - Polîsan li Wanê êrişî kedkarên tenduristiyê ku xwestin daxuyaniyê bidin kirin û ew binçavkirin.&nbsp;

	&nbsp;

	Odeya Bijîşkan a Wan-Colemêrgê û Şaxa Sendîkaya Kedkarên Xizmeta Civakî û Tenduristî (SES) ya Wanê bi armanca mafên wan ên reha werin baş kirin xwestin li Nexweşxaneya Lekolîn û Perwerdeyê ya Herêmê ya Wanê daxuyaniyê bidin lê polîsan daxuyanî astengkirin. Polîsên ku qedexeya walitiyê weke hêcet nîşan da, kedkarên tenduristiyê yên xwestin ku daxuyaniyê bidin dorpêçkirin. Serokê Odeya Bijîşkan a Wan-Colemêrgê Huseyîn Yavîç, bertek nîşanî helwesta polîsan da û wiha got: “Daxuyaniyeke ku li her derê Tirkiyeyê tê kirin heye. Li her derê serbest e li vir qedexe ye? Qedexeya walîtiyê ya 2 hezar rojan li bajêr berewam dike heye. Hûn bi awayekî keyfî sûcdar dikin. Heke ev daxuyanî sûc be em sûc dikin.”

	&nbsp;

	

	&nbsp;

	10 KES HATIN BINÇAVKIRIN

	&nbsp;

	Li ser vê yekê piştî niqaşa di navbera kedkarên tenduristiyê û polîsan de derket Serokê Odeya Bijîşkan a Wan-Colemêrgê Huseyîn Yavîç, Sekretera Giştî ya TTB’ê Ayfer Horasan, Hevseroka Şaxa SES’ê ya Wanê Fîgen Çolakoglû jî di nav de herî kêm 10 kes hatîn bînçavkirin.&nbsp;

	&nbsp;

	Kedkarên tenduristiyê yên hatin binçavkirin, birin Miduriyeta Polîsan a Bajêr.&nbsp;

	&nbsp;