
Li gorî TUÎK’ê hejmara bêkaran kêm dibe! 

2023-12-11 11:23:14


	&nbsp;

	NAVENDA NÛÇEYAN - TUÎK’ê diyar kir ku rêjeya bêkariyê ya li Tirkiyeyê di meha cotmehê de daket ji sedî 8,5’ê. Li gorî TUÎK’ê, di cotmehê 163 hezar kes ji rêjeya bêkariyê kêm bûn.&nbsp;

	&nbsp;

	Saziya Îstatîstîkê ya Tirkiyeyê (TUÎK), îstatîstîkên hêza kar a meha cotmehê ekere kir. Li gorî encamên Lêkolîna Hêza Kar a Endamên Malbatê; di nava kesên 15 salî û mezintir de rêjeya bêkariyê li gorî meha îlonê di meha cotmehê de 163 hezar kes kêm bûn û daket 2 milyon û 961 kesan.&nbsp;

	&nbsp;

	Her wiha rêjeya bêkariyê ji sedî 0,5 kêm bû û daket ji sedî 8,5. Her wiha li gorî texmîna TUÎK’ê; di nava zilaman de rêjeya bêkariyê ji sedî 7,0 û di nava jinan de jî ji sedî 11,3 ye.&nbsp;

	&nbsp;

	DÎSK-AR: ÎDIAYÊN ‘BÊKARÎ KÊM DIBE’ RAST NÎNIN!&nbsp;

	&nbsp;

	Daneyên TUÎK’ê û yên “Rapora Dîtbariya Bêkarî û Îstîhdamê” ya Enstîtûya Lêkolînê ya Konfederasyona Sendîkayên Karkerên Şoreşger (DÎSK-AR) ya 10’3e mijdara 2023’yan hev nagirin. DÎSK-AR’ê diyar kir ku îdiaya “bêkarî kêm dibe” rast nîne û ev agahî parve kir: “Di nava sala dawî de li gorî pênaseya berfireh a rêjeya bêkariyê ji sedî 20,3’yê derket ji sedî 21,8’ê, hejmara berfireh a bêkariyê jî ji sedî 7 milyon û 500 hezar kesan derket 8 milyon û 300 hezar kesan.”&nbsp;