
Polîsan xwest Gulistan Atasoy bêdeng bikin

2020-05-14 14:15:56


	&nbsp;

	AMED - Endala Lijneya Navendî a KESK'ê Gulistan Atasoy, têkildarî sirgûna kedkarên rêya trênê daxuyanî da. Atasoy, dema got 'Qeyûmê Amedê serokatiya civîna AKP'ê dike', amîrê polîsan hişyarî kir û got “Vê jinê rawestînin. Bila dernekeve dervê zagonan." û mudaxale kir.&nbsp;

	&nbsp;

	Şaxa Sendîkayên Xebatkarên Barkêşiya Yekbûyî (BTS) ya Amedê têkildarî &nbsp;sirgûnkrina 60 karkerên rêya trênê daxuyanî dan. Endam, rêveber û nûnerên BTS'ê li pêş GAR'a Amedê kom bûn û daxuyanî dan. Polîsan destûr nedan ku zêdetirî 6 kesan beşdarî daxuyaniyê bibe.&nbsp;

	&nbsp;

	Serokê Şaxa BTS'ê ya Amedê Suleyman Bozkurt, diyar kir ku di roja şewbê de ku pêwiste mirov ji malên xwe dernekevin, hevalên wan hatine sirgûnkirin û wiha got: “Hevalên me li gel malbatên xwe hatin sirgûnkirin. Şefê Îstasyona Madenê Mehmet Budak nexweşê losemiyê ye û tevî vê nexweşiya xwe hatiye sirgûnkirin. Li gel ku zarok û hevjîna wî jî nexweş in sirgûnî Şefîya GAR'a Hekimhanêkirine. Tiştek bê serê hevalê me berbirsiyar rayedar in."&nbsp;

	&nbsp;

	Bozkurt, bang li Wezîrê Barkêşiyê kir û got: "Divê tu destûr nede kesên ku aştiya kar xera dike."&nbsp;

	&nbsp;

	POLÎS MUDAXALEYÎ AXAFTINÊ KIR

	&nbsp;

	Piştre Endama Lijneya Rêveberiya Navendî ya KESK'ê Gulistan Atasoy axivkî. Atasoy, dema têkildarî sirgûna kedkarên rêya trênê axivi û got 'Qeyûmê Amedê serokatiya civîna AKP'ê dike', amîrê polîsan hişyarî kir û got “Vê jinê rawestînin. Bila dernekeve dervê zagonan." û mudaxale kir.&nbsp;