
Bi qenala 60 sal berê avdaniyê dike

2020-06-05 09:05:48


	WAN - Sidik Aydemîr ku li gundê Şêsunisê yê navçeya Rêya Armûşê dijî, ji bo darên gûzan û garis av bide, qenala avê ya 60 sal berê bavê wî bi bêrê çêkiribû bi kar tîne.&nbsp;

	Li gundê Şêsunis ê navçeya Rêya Armûşê ya Wanê Sidik Aydemîr ê 62 salî ji bo darên xwe yên gûzan û garisê xwe av bide, qenala avê ya ku 60 sal berê bavê wî bi bêrê çêkiribû bi kar tîne. Aydemîr, anî ziman ku bavê wî bi bêrê qenaleke kîlmetreyeke çêkiriye û av ji çem aniye.&nbsp;

	&nbsp;

	Aydemîr, diyar kir ku çewlika ku ji kalê wî jê re maye datîne û got: "Berê me genim datanî. Dû re me kundir, xirpûk danî. Sê sal berê jî me dest bi çandina garis kir. Par jî me li erdê jor darên gûzan danîn."&nbsp;

	&nbsp;

	Aydemîr, ji bo qenala avê ya ku bi bêrê paqij dike anî ziman ku 60 salên vê qenalê heye û got: "60 sal berê bavê min çêkir. Em jî ji bo erdê xwe pê av bidin bi kar tînin. Qenal ji ber berf dihele û ji ber baranê bi kevir û axê tije dibe. Pêşî em wê paqij dikin. Rûbarê vira xweş e, em bi saya qenalê avê tînin."&nbsp;