
Li Dibistana Muzîkê ya Egîdê Cimo aktîvîteya dawiya salê 

2024-06-02 16:09:49


	&nbsp;

	STENBOL - Beşdarvanan eleqeyeke zêde nîşanî aktîvîteya dawiya salê ku Dibistana Muzîkê ya Egîdê Cimo li dar xist, dan.&nbsp;

	&nbsp;

	Dibistana Muzîkê ya Egîdê Cimo li avahiya xwe ya li navçeya Şîşlî ya Stenbolê aktîvîteya dawiya salê lidarxist. Aktîvîteya ku xwendekar bi cil û bergên herêmî beşdar bûn, rastî eleqeyeke mezin a beşdarvanan hat. Aktîvîte bi pêşandana sînevîzyonê ya têkildarî xebatên dibistanê dest pê kir. Yek ji perwerdekara dibistanê Mizgîn Dûrûk a pişt re axivî wiha got: “Armanca me ew e ku li vir an ku li Stenbolê çanda kurdî bidin jiyîn û di rojên pêşiya me de di vî warî de perwerdehiyeke serkeftî bidin. Temamê hevalên me kedên mezin dan. Bi taybetî spasiyên xwe pêşkeşî wan dikin.”

	&nbsp;

	ZAROKAN STRAN GOTIN &nbsp;

	&nbsp;

	Pişt re zarokên ku perwerdeya piyanoyê wergirtin, bi rêzê perfonmansên xwe pêşkeş kirin. Koroya Zarokan a dibistanê jî bi darikên rîtîmê stranên kurdî gotin. Di vê navberê de temaşevanan jî bi çepikan piştgirî da zarokan. Beşdarvan bi performansa Koroya Zarokan gelekî keyfxweş bûn.&nbsp;

	&nbsp;

	Herî dawî orkestraya dibistanê derket ser dike. Piştî stranên ku beşdarvanan jî bi orkestrayê re gotin aktîvîte bi dawî bû. &nbsp;

	&nbsp;

	&nbsp;

	&nbsp;