
Hevrêyên Korkmaz Tedîk li ser navê wî pirtûkxane vekirin 

2017-10-24 11:19:17


	MELETÎ – Li Meletiyê li ser navê Korkmaz Tedik ku di komkujiya Enqereyê de jiyana xwe ji dest da, pirtûkxaneyek hat vekirin.&nbsp;

	Li Taxa Oren a navçeya Akçadag a Meletiyê li avahiya Cemxaneyê, li ser navê endamê Desteya Rêveber a Giştî ya EMEP’ê Korkmaz Tedîk pirtûkxaneyek hat vekirin. “Pirtûkxaneya Korkmaz Tedîk” ji aliyê Şaxa Komeleya Pîr Sultan Abdal a Orenê ve hat vekirin. Di vê pirtûkxaneyê de, beşa zarokan li ser navê Veysel Atilgan ê 9 salî ye ku di heman komkujiyê de jiyana xwe ji dest da.

	&nbsp;

	Celal Tedîk, apê Korkmaz Tedîk, anî ziman ku vekirina pirtûkxaneyê malbata wan kêfxweş kiriye. Tedik, diyar kir ku biraziyê wî Korkmaz ji aliyê hawirdorê û hevalên xwe ve dihat hezkirin û zarokê malbateke şoreşger bû.&nbsp;

	&nbsp;

	GELEK KES SERDANA PIRTÛKXANEYÊ DIKIN&nbsp;

	&nbsp;

	Tedik, diyar kir ku biraziyê wî di bin banê partiyê de li herêma Eskîşehîr, Isparta, Enqere û Akdenîzê xebat bi rê ve birine û bi layiqî peywira xwe bi cih dianî. Ap Tedik, got ku ji ber biraziyê wî Korkmaz li vir çê bûye û mezin bûye, hevalên wî xwestiye li vir li ser navê wî pirtûkxaneyekê vebikin. Ap Tedik, diyar kir ku ew her roj pirtûxaneyê vedike û digire û wiha got: “Me navê kesên di komkujiya Enqereyê de jiyana xwe ji dest dan li pirtûkan kir. Ji 7’an heta 70’yan her kes serdana pirtûkxaneyê dike.”&nbsp;

	&nbsp;

	Tedik, anî ziman ku her wiha ew her sal di 21’ê Hezîranê roja rojbûyîna Korkmaz Tedik de turnuvaya voleyvolê jî li dar dixin.&nbsp;

	&nbsp;

	‘BÎRANÎNA WAN RIYA ME RONÎ DIKE’

	&nbsp;

	Serokê Şaxa Komeleya Pir Sûltanê ya Orenê Mazlum Kose jî wiha got: “Ji ber Korkmaz Tedik li vir çê ye û mezin bûye, me xwest em li vir li ser navê wî û ji bo bîranîna kesên pê re jiyana xwe ji dest dane pirtûkxaneyekê vebikin. Niha zêdeyî 5 hezar pirtûkên me hene. Korkmaz zaf ji xwendin û lêkolînê hez dikir. Ji ber vê me xwest em ji bo bîranîna wî pirtûkxaneyekê vebikin.”&nbsp;

	&nbsp;

	Kose, balê kişand tûrnûvaya voleybolê ya her sal tê lidarxistin jî û got ku bi vê yekê armanca wan ew e ku bîranîna kesên di oxira peydakirina biratiya gelan de jiyana xwe ji dest dane zînde bikin. Korkmaz, anî ziman ku dê rê û bîranîna hevrêyên wan riya wan ronî bike.&nbsp;

	&nbsp;