
Belgefîlma ‘Gîtmek’ li Şîşliyê hat qedexekirin 

2019-06-28 16:53:18


	STENBOL – Pêşandana galaya belgefîlma “Çûyîn (Gîtmek)” a ku Komkujiya Pirsûsê vedibêje ji aliyê Emniyet û Qeymeqamiya Şîşlî ya Stenbolê ve hat qedexekirin.

	Belgefîlma “Çûyîn (Gîtmek)” Komkujiya Pirsûsê ya 33 kesan jiyana xwe ji dest da vedibêje. Galaya belgefîlmê dê îro êvarê li Navenda Çand û Hunerê ya Nazim Hîkmet a Şaredariya Şîşlî ya Stenbolê bihata pêşandan. Qeymeqamiya Şîşlî û Miduriyeta Polîan a Şîşliyê belgefîlmê bi îdiaya “Propaganda terorê dike” qedexe kirin.&nbsp;

	&nbsp;

	Înîsiyatîfa Malbatên Pirsûsê di hesabê medya civakî de wiha got: “Me yê îro galaya belgefîlma GÎTMEK li Stenbolê bida pêşandan lê emniyet û qeymeqamiya Şîşliyê destûr nedan pêşandana belgefîlmê.”&nbsp;

	&nbsp;

	Înîsiyatîfa Malbatên Pirsûsê dê saet di 19.00’an de li ber Navenda Çand û Hunerê ya Nazim Hîkmet têkildarî qedexekirina belgefîlmê daxuyanî bide çapemeniyê.&nbsp;

	&nbsp;

	Pêşandana belgefîlmê dê îro saet di 20.30’an de li Weqfa Lêkolînên Zanist Perwerde Estetîk Çand û Hunerê (BEKSAV) bê pêşandan.&nbsp;

	&nbsp;