
‘Egîdê Cîmo û radyoyên Êrîvan û Bexdayê muzexane ne’ 

2019-11-23 10:06:02


	&nbsp;

	AMED – Li Amedê gotubêjek li ser çanda radyoyên Êrîvan û Bexdayê pêk hat. Lêkolîner Zeynep Yaş got her du radyo kirin ku muzîka kurdî winda nebe. Muzîkjen Şêrko Kanîwar jî got divê zarokên kurd li ber stran û klamên kurdî werin mezinkirin.

	&nbsp;

	AmîdArt li Amedê nîşandana belgefîlma “Welatê Me Kurdistan e” û gotûbêja “Xebatên Radyoya Êrîvan û Bexdayê û Bandora Wan Îroyî” li dar xist. Nivîskar Selîm Temo jî di nav de gelek kes beşdar bûn.&nbsp;

	&nbsp;

	Ewil belgefîlma “Welatê Me Kurdistan e” ku behsa jiyan û xebatên hunera mîrê bilûrê Egîdê Cîmo di meha çile ya 2019’an de li Êrîvanê jiyana xwe ji dest dabû vedibêje hat nîşandan.&nbsp;

	&nbsp;

	‘EGÎDÊ CÎMO MUZEXANEYEK E’&nbsp;

	&nbsp;

	Piştî nîşandana belgefîlmê derhênerê wê Îbrahîm Yildirim axaftinek kurt kir û diyar kir ku wan bi nasîna serpêhatiya Egîdê Cîmo dîroka xwe jî nas kirine û got: “Di her gotinên wî de dîrok, huner û çand hebû. Mamosteyek têr û tije bû. Ev belgefîlm ji bo me wezîfeyek bû. 3 mehan bênavber me her kêliya Egîtê Cîmo qeyd kir. Egîdê Cîmo wek muzexaneyekê bû.”&nbsp;

	&nbsp;

	Piştî Yildirim, lêkolînera muzîka kurdî Zeynep Yaş û mamosteyê muzîkê Şêrko Kanîwar li ser mijara “Xebatên Radyoya Êrîvan û Bexdayê û Bandora Wan Îroyî” û çanda dengbêjiyê û muzîka kurdî zanyariyên xwe parve kirin.&nbsp;

	&nbsp;

	‘RADYOYA BEXDAYÊ Û ÊRÎVANÊ HÎMÊ MUZÎKA KURDÎ NE’&nbsp;

	&nbsp;

	Zeynep Yaş da zanîn ku Radyoya Bexdayê û Radyoya Êrîvanê ji bo newindakirina çand û muzîka kurdî hîmek bingehîn e û van radyoyan kir ku muzîka kurdî li dinyayê belav bibe. Yaş anî ziman ku ev radyoyên kurdî çanda dengbêjiyê û muzîka kurdî heta roja îro tînin û kirin ku bîra çanda kurd zindî bimîne.&nbsp;

	&nbsp;

	‘DIVÊ EM ZAROKÊN XWE LI BER KILAM Û STRANAN MEZIN BIKIN’&nbsp;

	&nbsp;

	Şêrko Kanîwar jî destnîşan kir ku ew deyndarên wan radyoyan in ku dengbêj û hunermendên kurd nedan jibîrkirin û bingeha muzîka kurdî ji wan rojan tê. Kanîwar bal kişand ser girînga muzîka kurdî û got divê zarokên kurd ji biçûkatî ve li ber stran û klamên kurdî yên resen werin mezinkirin. Kanîwar anî ziman ku lazime ew li çanda wan radyoyan xwedî derkevin û hewl bidin ku newayên wan neyên windakirin.&nbsp;

	&nbsp;

	Piştî axaftinan gotûbêj bi dawî bû. &nbsp;