
Xelkê Îslahiyeyê ji bo protestokirina kanên madenê rê girt 

2022-04-03 14:16:42


	&nbsp;

	ANTEP - Şêniyên Taxa Altin Uzum ku li quntarê Çiyayê Amanosê ye, li dijî çêkirina kana madenê çalakiya rêgirtin li dar xist.

	&nbsp;

	Şêniyên Taxa Altin Uzum a navçeya Îslahiye ya Dîlokê ku li quntarê Çiyayê Amanosê dikeve, ji bo ku balê bikişînin ser Kana Boksîtê ya Îslahiyeyê û Dezgeha Şikandin û Bêjandinê ya aydê kargeha CTC’ê ku ji sala 2015’an ve çalak e, çalakiya rêgirtinê li dar xistin. Welatiyan da zanîn ku kana madenê ziyanê dide xwezayê û gefê li tenduristiya şêniyên taxê dixwe.

	&nbsp;

	EM KANA MADENÊ NAXWAZIN’

	&nbsp;

	Welatiyan, got ku piştî avakirina kana madenê, hejmara kesên bi nexweşiya penceşêrê dikevin zêdetir bûye û lewma jî vê kanê li taxa xwe naxwazin. Welatiyan destnîşan kir ku piştî avakirina kana madenê, bi taybet jî rezên tirî û zeytûngeh hişk bûne û bertek nîşan dan bê ka çima ev kan li ser xaka hilberînê hatiye çêkirin. Çalakiya şêniyên taxê berdewam e.&nbsp;

	&nbsp;