
‘Em li dijî talanê serî rakin’ 

2017-10-24 09:31:55


	STENBOL – Endamên Parastina Bajêr a Bakirkoyê, ji bo eraziyên Nexweşxaneya Nexweşînên Ruh û Damargiriyê ya Bakirkoyê ku ji îmarê re hatine vekirin wiha gotin: “Wek welatperwerên vî welatî em li dijî vê talanê serî rakin.”

	Wezareta Hawirdor û Bajarsaziyê, di meha Nîsanê de ji bo 5 paselên bi mezinahiya xwe milyonek metrekare eraziyên li Bakirkoyê plana îmarê guherandibû. Di nav sînorên vê plana îmarê de Nexweşxaneya Nexweşînên Ruh û Damargirî ya Bakirkoyê jî heye. Ev der cihê dawîn ê hêşîn ê Bakirkoyê ye û nêzî 17 hezar dar lê ne. Endamên Parastina Bajêr a Bakirkoyê bertek nîşanî vê rewşê dan û çend roj berê 30 hezar îmzeyên ku berhev kirin şandin Meclîsê.&nbsp;

	&nbsp;

	'WÊ AVM Û HOTEL BÊN ÇÊKIRIN’&nbsp;

	&nbsp;

	Endama Parastina Bajêr a Bakirkoyê Îlknûr Turkoglû, anî ziman ku ji roja plan hatiye daxuyandin heta niha wan çalakiyên cur bi cur li dar xistine û biryara Wezareta Hawirdor û Bajarsaziyê şermezar kiriye. Turkoglu, anî ziman ku wan vê havînê bêyî ku bêjin germ e li Qada Azadiyê ya Bakirkoyê 30 hezar îmze berhev kirine. Turkoglu, diyar kir ku dê li vê qadê avahiyên bazarê, otel û tesîs bên avakirin.&nbsp;

	&nbsp;

	'POLÎTÎKAYÊN RANTÊ DI DEWRÊ DE NE’&nbsp;

	&nbsp;

	Turkoglu, dest nîşan kir ku ev tabloya êşbar tenê ne li Bakirkoyê, li her derê Stenbolê xwe dide der. Turkoglu, diyar kir ku nexweşxaneyên aîdî raya giştî tên kesîdekirin û ev qad ji îmarê re tên vekirin. Turkoglu got ku tenê polîtîkayên rantê di dewrê de ne û wiha domand: “Em li hemberî polîtîkayên rantê têdikoşin. Çimkî Nexweşxaneya Nexweşînên Ruh û Damargirî xizmeta gelek nexweşan dike.”&nbsp;

	&nbsp;

	'DIVÊ EM JI ÊRÎŞAN RE BIBÊJIN NA’&nbsp;

	&nbsp;

	Endamê Parastina Bajêr Umran Serhan jî, anî ziman ku li hemberî êrîşên li xweza û raya giştî yên li Bakirkoyê û tevahiya welat heta ku ji destê wî tê tev digere û dibêje na. Serhan, diyar kir ku 15 sal in tu der nemaye ku îktîdarê nefirotiye û ji bo hemû piran, derbasgehan veguherîne cihên bipere her cure organîzasyonan dike. Serhan dest nîşan kir ku li vê qadê bi sedan dar hene û divê ew li hemberî jêkirina wan rawestin. Serhan bang li her kesî kir ku, divê wek welatperwerên vî welatî ew li hemberî talanê serî rakirin.&nbsp;

	&nbsp;

	&nbsp;