
Şêniyên Stenbolê: Meşa demokrasiyê me kelecanî kir 

2020-06-19 12:28:38


	&nbsp;

	STENBOL – Welatiyên duh li Parka Abbasaga ya Stenbolê beşdarî şahiya meşa HDP’ê bûn diyar kirin ku meşê kelecanek daye wan û wê meşa îradeya wan bigihîje serkeftinê.&nbsp;

	&nbsp;

	Baskê “Meşa Demokrasiyê” ya Edîrneyê ya HDP’ê duh li Parka Abbasaga Beşîktaşa Stenbolê şahî li dar xist. Welatiyên beşdarî şahiyê bûn ji mîkrofên ajansa me re axivîn û diyar kirin ku meşê kelecaniyek bi wan re çêkiriye. Welatiyan zilma îqtîdara AKP-MHP pêk tîne yek bi yek jimartin û diyar kirin ku ew ê qet û qet serê xwe netewînin û ew ê bi berxwedan û têkoşînê bigihîjin serkeftinê. Welatiyan da zanîn ku ew heta dawiyê li pey îradeya xwe ne û vê îradeya wan meşê daye destpêkirin dê bigijîje mexseda xwe û serkeftinê. Welatiyan got heke ew bibin yek dê bi ser bikevin û bêtirs û beşik têkoşîna xwe ya ji bo azadî û demokrasiyê bidomînin.&nbsp;

	&nbsp;