
Yilmazê ku li Qaşqolê bi birîndarî rizgar bûbû tabûrcî bû

2020-06-22 13:23:20


	&nbsp;

	WAN – Saîm Yilmaz ku li gundê Qaşqolê yê navçeya Elbakê di bûyera ku Erhan Guler têde hatibû kuştin de ji aliyê leşkeran ve hatibû birîndarkirin, ji nexweşxaneyê tabûrcî bû.&nbsp;

	&nbsp;

	Di 14’ê hezîranê de li gundê Qaşqol ê navçeya Elbakê ya Wanê, leşkeran gule li welatiyên bi navê Erhan Guler û Saîm Yilmaz barandibûn. Leşkeran di encama gulebarana xwe de Guler ê 20 salî kuştibûn û Yilmaz ê bavê 4 zarokan jî birîndar kiribûn.&nbsp;

	&nbsp;

	Saîm Yilmaz ku tedawiya li Nexweşxaneya Perwerde û Lêkolînê ya Herêmê ya Wanê dihat tedawîkirin, hat tabûrcîkirin. Yilmaz ku ji aliyê xizmên xwe ve ji nexweşxaneyê hat wergirtin, tê payîn ku giliyê berpirsyarên bûyerê bike.

	&nbsp;

	‘LEŞKERAN ÎŞKENCE KIR’

	&nbsp;

	Yilmaz ku ji milê xwe yê rastê bi guleyekê birîndar e, vegotibû ku leşkeran qûndaxên çekan îşkence lê kirine û bi piyên xwe pê li birîna wî kirine. Yilmaz ji aliyê gundiyên ku çûbûn cihê bûyerê ve birîndar hatibû dîtin û ew rakiribûn nexweşxaneyê. Yilmaz piştî tedawiya xwe ya 5 rojan a li beşa lênêrîna zêde, di 18’ê hezîranê de derxistibûn beşa asayî.&nbsp;

	&nbsp;