
Polîsan îşkence li Rojbîn Çetîn kir  

2020-06-27 14:27:19


	&nbsp;

	AMED – Derket holê ku aktîvîsta TJA’yê Rojbîn Çetîn ku di çarçoveya lêpirsîna li ser KCD’ê hat binçavkirin îşkence lê hatiye kirin.&nbsp;

	&nbsp;

	Di çarçoveya lêpirsîna li ser Kongreya Civaka Demokratîk (KCD) de duh li gelek bajaran polîsan bi ser malan û saziyan de girtibû. Di encama serdegirtinan de Hevşaredara Farqînê Naşîde Toprak, rojnameger Ayşe Kara, akîvîstên Komeleya Jinan a Rosayê, parêzer, rêveberên HDP’ê û DBP’ê di nav de 44 kes hatine binçavkirin. Hat gotin derbarê 64 kesan de biryara binçavkirinê hatiye dayîn.&nbsp;

	&nbsp;

	Di çarçoveya lêpirsînê de duh di saetên êvarê de endama Desteya Rêveberiyên Xwecihî ya Demokratîk û aktîvîsta Tevgera Jinên Azad (TJA) Rojbîn Çetîn jî hatibû binçavkirin.&nbsp;

	&nbsp;

	Polîsan duh êvarê li Amedêbi ser mala wê de girt û kelûpelên malê belav kirin.&nbsp;

	&nbsp;

	Piştî lêgerînê polîsan, Çetîn binçav kir û birin Miduriyeta Polîsan a Amedê. Derket holê ku polîsan îşkence li Çetîn kiriye. Di wêneyê Çetîn ê binçavkirinê de hatiye kişandin bin çavê wê yê çepê reş û şîn bûye û di qirika wê de şopa îşkenceyê heye.&nbsp;

	&nbsp;

	&nbsp;

	&nbsp;