Rejîma Îranê 2 girtiyên siyasî yên kurd darve kirin 2020-07-14 11:18:35 NAVENDA NÛÇEYAN  - Rejîma Îranê li girtîgeha Urmiyeyê 2 girtiyên siyasî yên kurd darve kirin. Li gorî rapora Tora Mafê Mirovan a Kurdistanê (KMMK), şevê din saet 00.30’an de rejîma Îranê girtiyên siyasî yên kurd ên bi navê Sebîr Şêxzade û Diyako Resulsaze darve kirin.   Hat diyar kirin ku girtiyên siyasî yên kurd ên Şêxzade û Resulsaze duh birîbûn hucreyên yekkesî ya girtîgeha Urmiyeyê û şevê din jî birin cihê darvekirinê. Rêxistina Efûyê ya Navneteweyî (Amnesty Internatîonal) jî, duh bi daxuyaniyekê ji rayedarên Îranê xwestibû ku cezayê darvekirina van herdu girtiyan rawestîne.   Her wiha Rêxistina Mafê Mrovan a Îranê jî, ragihand berî ku ev herdu girtî werin darvekirin, nehiştine malbat û xizmên xwe bibînin û wiha got: “Seîbr û Diyako hem di dema lêpirsînê de, hem jî di dema meşandina dadgehê de, ev cezayê xistine stûyê wan red kirine.”   Tora Mafê Mirvan a Kurdistanê derbarê her du girtiyên hatin darvekirin de wiha got: "Gelek caran mafên van herdu girtiyan hatine binpêkirin. Îşkenceya tund a fizîkî û derûnî lê kirine, piştî ku bi awayek dijwar dan îtirafkirin, di televîzyona Îranê de îtirafa wan dan parvekirin. Bi awayek nedadperwerî cezayê darvekirinê lê birîn.”   Li gorî agahiyên Rêxistina Mafê Mirovan hîn cezaneyên herdu girtiyan radestî malbatên wan nehatine kirin.   Hêjayî gotinê ye Sabir Şêxzade û Diyako Resulzade, di Adara 2014’an de ji aliyê hêzên Îtlaetê ve li Mahabadê hatibûn binçavkirin. Her du girtî bi hinceta ku di merasîmek a bajarê Mahabadê ya 9’ê Îlona 2010’an de mayîn teqandine, hatibûn binçavkirin. Lê di 22’yê Îlona 2010’an de feramdarê hêzên supayê pasdarên Îranê Mihemed Pakpur bi daxuyaniyekê ragihandibû ku wan kesê sereke yê teqînê pêk anî bû, kuştine