
Malbatê giliyê tecawizkar kiriye lê dozgerî bûyerê piştguh kiriye  

2020-07-17 13:09:26


	&nbsp;

	ÊLIH – Hat zanîn ku Î.P. a ku çawişê pispor M.O. tecawizê wê kiriye û duh xwest dawî li jiyana xwe bîne li pey xwe nameyek hiştiye. Hat gotin berê derbarê M.O. de ji dozgeriyê û leşkeriyê re gilî hatiye kirin lê hatiye piştguhkirin.&nbsp;

	&nbsp;

	Li gundê Hemdûna girêdayî navçeya Qûbînê ya Êlihê Î.P. (17) a ku tê gotin çawişê pispor M.O. tecawizê wê kiriye bi çekê gule berda xwe û xwest întîhar bike. Î.P. bi giranî birîndar bû li nexweşxaneyek taybet a Êlihê tê dermankirin û rewşa wê giran e.&nbsp;

	&nbsp;

	CENDIRMEYAN Û DOZGERIYÊ BÛYERÊ PIŞTGUH KIRINE&nbsp;

	&nbsp;

	Li gorî agahiyên hatin bidestxistin, bûyer di 24’ê hezîranê de rû daye. Li ser vê yekê ferdên malbata Î.P. derbarê çawişê pispor M.O. de serî li dozgeriyê dane û giliyê wî kirine. Dozgeriyê û cendirmeyan ji malbatê re gotiye tişta pêwîst dê bikin. Lê belê heta îro tu muameleyek derbarê çawişê pispor de nekirine.&nbsp;

	&nbsp;

	TÊ GOTIN Î.P. NAME NIVÎSANDIYE&nbsp;

	&nbsp;

	Di vê navberê de li gorî agahiyên malbatê dan, tê gotin Î.P. beriya întîhar bike nameyek nivîsandiye û xistiye berîka bavê xwe. Hat zanîn ku piştî bûyerê name radestî dozgeriyê hatiye kirin.&nbsp;

	&nbsp;

	HDP Û SAZIYÊN MAF ÇÛN SERDANA MALBATÊ&nbsp;

	&nbsp;

	Malbat li ber nexweşxaneyê disekine. Parlamentera HDP’ê ya Êlihê Feleknas Ûca, rêveberên Komeleya Mafê Mirovan a Şaxa Êlihê, endamên Meclîsa Jinan a HDP’ê û nûnerên sendîkaya SES’ê çûn nexweşxaneyê serdana malbatê. Siyasetmedar û parêzvanên mafê mirovan diyar kirin ku ji bo bûyer zelal bibe û çawişê pispor cezayê pêwîst werbigire dê li cem malbatê cih bigirin.&nbsp;

	&nbsp;

	Piştî bûyerê di çarçoveya lêpirsîna ji aliyê Serdozgeriya Komarê ya Sêrtê da destpêkirin de çawişê pispor M.O. duh hatibû binçavkirin.&nbsp;

	&nbsp;