
Wêneyê sercerdevanê hevjîn û zarokê xwe kuşt ê bi walî re derket holê 

2020-07-21 14:47:52


	AMED - Li Bismilê, sercerdevan Mahmût Karaaslan ê bi zarokên hevjîna xwe ya nû re, hevjîna xwe ya berê û zarokekê wê kuştin, wêneyê wî yê li gel Waliyê Amedê yê berê Hasan Basrî Guzeloglu re hatiye kişandin, derket holê.

	&nbsp;

	Li Gundê Kaxitli ya navçeya Bismîlê ya Amedê, di 18’ê Tîrmehê de, li ser erd û mala dihat avakirin de, şer dinavbera ferdên heman malbatê derketibû. Di şerê&nbsp;di navbera ferdên malbata Karaaslan de Hamdiye &nbsp;Şik a 61 salî û kurê wê Kadrî Karaaslan ê &nbsp;26 salî hatibûn kuştin. Di heman demê de ji heman malbatê Mûrat Karaaslan, Mahmût û hevjînê wî Bahar Karaaslan birîndar bûbûn. Tedawiya birîndaran a li Nexweşxaneya Zanîngeha Dîcle ya Amedê dewam dike. Sercerdevan Mahmût, zarokên wî yên cerdevan Sîdar, Zafer û Enes Karaaslan û kurê Hamdiye Şik Mûrat Karaasalan ê birîndar bûbûn hatin binçavkirin. &nbsp;

	&nbsp;

	WÊNEYÊ WÎ YÊ BI WALÎ RE DERKET HOLÊ&nbsp;

	&nbsp;

	Sercerdevan Mahmût Karaaslan ê bi zarokên hevjîna xwe ya nû re, hevjîna xwe ya berê û zarokekê wê kuştin, wêneyê wî yê li gel Waliyê Amedê yê berê Hasan Basrî Guzeloglu hatiye kişandin, derket holê. Di wêne de, tê xuyakirin ku Karaaslan û rayedareke leşkerî, Guzelgolû ji cihê wî ziyaret kirine.&nbsp;

	&nbsp;

	NAVENDA MAFÊN JINAN WÊNE PARVE KIRIN

	&nbsp;

	Navenda Mafê Jinan a Baroya Amedê, li ser hesabê xwe yê twîtterê wêneyê Karaasalan parve kir. Di parvekirinê de wiha hat gotin: “Jinek ji aliyê xizmên xwe ve hat qetilkirin. Hamdiye Şik a li Gundê Kaxitli ya girêdayî Bîsmilê dijiya, ji aliyê hevjînê xwe sercerdevan M.K. û zarokên hevjîna xwe ya duyemîn ve bi çeke hat kuştin. Ji bo ku qatilên jinan bêceza nemînin, emê şopdarê dozê bin.”

	&nbsp;