
Dadgehê girtekên binçavkirina Temo xwestin 

2020-07-28 13:06:19


	RIHA &nbsp;- 2’yemîn danişîna doza Dozgîn Temo ya ji Bakurê Sûriyeyê hat revandin û teslîmî Tirkiyeyê hatibû kirin, pêk hat. Şandeya dadgehê ji leşkeran girtekên binçavkirina Temo xwest.&nbsp;

	&nbsp;

	Hêzên paramîlîter ên ji Artêşa Netewî ya Sûriyê (SMO) pêk tên ku girêdayî Tirkiyê ne di êrişa li dijî gundê Mişrefa Eyn Îsa de Dozgin Temo (Çîçek Kobanê) desteser û birîndar kiribûn û pişt re radestî Tirkiyê kiribûn. 2’yemîn danişîna doza bi îdîaya “endamtiya rêxistinê” derbarê Temo de hatibû vekirin li 5’emîn Dadgeha Cezayê Giran a Rihayê hat dîtin.&nbsp;

	&nbsp;

	Temo ji Girtîgeha Tîpa T a Hejmara 2 a Rihayê anîn dadgehê. Parêzera Temo Hîdayet Enmek jî beşdarî danişînê bû.&nbsp;

	&nbsp;

	Danişînê bi parastina Dozgîn Temo dest pê kir. Temo îfadeya xwe bi rêya wergervan bi kurdî da. Temo di parastina kir de, sûcdariyên li dijî xwe red kirin û wiha got: “Min di pevçûnek şer de cih negirtiye. Dema ez hatim binçavkirin, 2 gule li lingê min hatin xistin. Ez bi vî awayî birîndar bûm û hatim binçavkirin.”

	&nbsp;

	DELÎL TUNEYE&nbsp;

	&nbsp;

	Parêzera Temo Hidayet Enmek dûre parastin kir û wiha axivî: “Derbarê muwekîla min de di dosyayê de tu delîl tuneye. Dîsa muwekîla min ji aliyê kî ve hatiye binçavkirin û bi çi awayî hatiye binçavkirin ne diyare. Derbarê vê tu girtek tuneye. Dîsa &nbsp;derbarê çawan &nbsp;birîndar bûye de jî tu delîl tuneye. Di heman demê de delîlên muwekîla min li dijî Tirkiyeyê şer kiriye û beşdarî çalakiyê bûye de jî, tu delîl tuneye.”&nbsp;

	&nbsp;

	Şandeya dadgehê piştî navberek kurt, biryar da ku agahî û girtekên di dema &nbsp;binçavkirina Temo de hatine girtin, &nbsp;ji dadgehê re bên şandin û dûre danişîn taloqî 22’yê Îlonê kir.&nbsp;

	&nbsp;