Strana ‘Xwe Nekuje’ banga yekrêziyê dike 

2020-07-30 09:25:55


	NAVENDA NÛÇEYAN – Komek hunermendên Kurd ji bo Yekîtiya Neteweyî ya Kurd pêk were klîba strana “Xwe Nekuje” çêkirin û balê dikişînin pêkhatina yekrêziya kurdî. 

	 

	Hunermendên Kurd Hekîm Sefkan, Xelîl Xemgîn, Peywan Arjîn, Bengî Agirî û Jiyan Osman ên ji Rojavayê Kurdistanê stranek nû bi navê “Xwe Nekuje” û klîba wê çêkirin û balê dikişînin ser Yekîtiya Neteweyî ya Kurd. Gotin û muzîk Hekîm Sefkan çêkiriye û muzîkjen Memo Yapiştiran jî aranjeya klîbê kiriye.

	 

	Dîmenên şervanên Kurd ên çar aliyên Kurdistanê di klîbê de hatine bikaranîn û hunermend stranê li hev dubare dikin. Destpêka klîbê hunermend Hekîm Sefkan helbestek kurt dixwîne û pişt re stran dest pê dike.

	 

	Di dîmenên klîbê de jî diyar dibe ku di navbera şervanan de yekrêziya kurdî pêk hatiye û şervenên Kurd ên li çeperan li dijî êrişan li ber xwe didin derdikevin pêş. 

	 

	Gotinên strana “Xwe Nekuje” wiha ye: 

	 

	Ne mirina min dibe jiyana te

	Ne tunebûna min dibe hebûna te

	Ne jî wendabûna min welatê me azad dike

	Berê tifinga xwe ji sînga min biguhere

	Fîşekên xwe bo parastina welatê me bihêle

	Dijminê me xedar e, keko

	Bila zarokên te nebêjin; bavê me apê me kuşt

	Wê kuştina min te jî bikuje

	Xwe nekuje!

	 

	Çiya û rê pir giriyane

	Hêsirên çavan qediyane

	Ezmanê me sahî nebû

	Ev goristan westiyane

	Xwe nekuje!

	Ezmanê me şahî nebû

	Ev goristan westiyane

	Min nekuje!

	 

	Ma ne ez birayê te me

	Parçekî ji canê te me

	Va ye ez li bextê te me

	Xwe nekuje!

	Ma ne ez birayê te me

	Parçekî ji canê te me

	Va ye ez li bextê te me

	Min nekuje!

	 

	Fêda kuştina min nîne

	Dilê dê û bavan diêşîne

	Dîsa hêvî zuha dibin

	Kêfa neyarên me tîne

	Xwe nekuje!

	Dîsa hêvî zuha dibin

	Kêfa neyarên me tîne

	Min nekuje!

	 

	Ma ne ez birayê te me

	Parçekî ji canê te me

	Va ye ez li bextê te me

	Xwe nekuje!

	Ma ne ez birayê te me

	Parçekî ji canê te me

	Va ye ez li bextê te me

	Min nekuje!

	 

	Em şervanên yek warî ne

	Li bin zora yek darî ne

	Kurdistan li benda me ye

	Em hilgirên yek barî ne

	Xwe Nekuje!

	Kurdistan li benda me ye

	Em hilgirên yek barî ne

	Min Nekuje!

	 

	Ma ne ez birayê te me

	Parçekî ji canê te me

	Va ye ez li bextê te me

	Xwe nekuje!

	Ma ne ez birayê te me

	Parçekî ji canê te me

	Va ye ez li bextê te me

	Min nekuje!

	 

	Lînka klîbê wiha ye