
HDK: Divê kesên çavê xwe ji komkujiya Dîlokê re girtin bên darizandin

2020-08-20 13:51:12


	STENBOL – Komîsyona Edaletê ya HDK’ê, derbarê komkujiya Dîlokê piranî jê zarok bi giştî 56 kesan jiyana xwe ji dest dabûn, daxuyaniyeke nivîskî weşand û xwest ku kesên çavê xwe ji komkujiyê re girtin bên darizandin.

	&nbsp;

	Komîsyona Edaletê ya Kongreya Demokratîk a Gelan (HDK), bi munasebeta 4’emîn salvegera komkujî Dîlokê ku DAIŞ’ê di 20’ê tebaxa 2016’an de li dijî dewetekê pêk anî û 56 kesan têde jiyana xwe ji dest da, daxuyaniyeke nivîskî da. Di daxuyaniyê de hat destnîşankirin ku komkujiya Dîlokê jî berdewam komkujiyên Amed û Enqereyê ye.

	&nbsp;

	POLÎTÎYA BÊCEZAHIŞTINÊ DIDOME

	&nbsp;

	Komîsyonê, bi bîr xist ku dewleta ku gel û zarokan neparastiye, ji bo ewlehiyê doza komkujiyê ji Dîlokê biriye Kayseriyê û ev nirxandin kir: “Polîtîkaya bêcezahiştinê di doza komkujiya dîlokê de jî didome. Wekî doza Enqere û Pirsûsê kesên piştgirî dane DAIŞ’ê, çavê xwe ji komkujiyê re girtin û bergirî negirtine nayên aşkerakirin û dernaxin holê. Li gel ku bi hezaran girtiyen nexweş nayên berdan, DAIŞ’iyek ku di vê dozê de tê darizandin bi angaşta nexweşiyê hat berdan.”&nbsp;

	&nbsp;

	DAXWAZA EDALETÊ

	&nbsp;

	Di daxuyaniyê de hat xwestin ku faîlên komkujiyê bên darizandin, kesên çav ji komkujiyê re girtine û bergirî negirtine derkevin pêşberî dadgehê. Di dawiya daxuyaniyê de daxwaza edaletê hat kirin qurbaniyên komkujiyê bi rêzdarî hatin bibîranîn.

	&nbsp;