
Lêpirsîn derbarê miftiyê bi gefan pere kom kir de hat destpêkirin

2020-08-21 11:40:00


	ÇEWLÎG - Hat îdîakirin ku Miftiyê Navçeya Kanîreşê Îsa Demîrkaynak, promosyona hezar û 200 TL a di hesabên bankeyên 77 melayên navçeyê de hat razandin, bi gefa sîrgûnê û dibin navê “bexşînê” ji wan stand û ji bo xwe wesayîta meqam kirî. Miftîtiya Bajarê Çewlîgê li ser bertekên melayan, derbarê Demîrkaynak de dest bi lêpirsînê kir.&nbsp;

	&nbsp;

	Hat îdîakirin ku Miftiyê navçeya Kanîreşê ya Çewlîgê Îsa Demîrkaynak, di rojên dawî de, bi gefan pere ji melayên navçeyê kom kiriye û bi vî pereyî wesayîta meqam ji bo xwe kiriye.&nbsp;

	&nbsp;

	Li gorî îdîayan, Miftiyê Navçeyê Demîrkaynak, di meha Nîsanê de li ser koma Whatsappê peyam ji melayên li navçeyê dixebitin re şandiye û ji wan xwestiye ku promosyona hezar û 200 TL a di hesabên bankeyên wan de, ji bo hesabê wî bên razandin da ku wesayîta meqam ji bo xwe bikire.

	&nbsp;

	MELA BI SÎRGÛNKIRINÊ TEHDÎT KIRIN

	&nbsp;

	Dîsa li gorî îdîayan, Demîrkaynak, li melayên nexwestine ku pereyê promosyona xwe ji hesabên wî bişînin, gefa sîrgûnkirinê xwariye û heqaret li wan kiriye.&nbsp;

	&nbsp;

	Miftiyê ku li navçeyê ji 77 melayan bi giştî 92 hezar û 400 TL kom dike, li ser berteka melayên din dîsa di koma Whatsappê de ji meleyan re peyamekê dişîne. &nbsp;&nbsp;

	&nbsp;

	Miftî Demîrkaynak di peyama dişîne de wiha dibêje: “Xoceyên min ên hêja. Ez ji bo kirîna wesayîtê, hemû meleyan ku bexşîn kirine û yên ne kirine spas dikim. Me dest ji kirîna wesayetî berda. Bexşîna we kiribû, em ê ji bo mizgeftên pêdiviyên wan heyî bi kar bînin.”

	&nbsp;

	Lê ligel vê yekê jî, miftî dest ji kirîna erebeya meqam berneda û bi erebeya nû ya kirî poz da. &nbsp;

	&nbsp;

	LÊPIRSÎN HAT DESTPÊKIRIN

	&nbsp;

	Miftiyê Bajêr ê Çewlîgê, li ser bertekên zêde û giliyê hatin kirin, derbarê mijarê de, dest bi lêpirsînê kir.&nbsp;

	&nbsp;

	MA / Arjîn Dîlek Oncel

	&nbsp;