
HDP’iyên sîxûrî li wan hat ferzkirin: Tiştek ji me bibe dewlet berpirsiyar e

2020-08-27 16:16:51


	STENBOL – Rêxistina HDP’ê ya Stenbolê ragihand ku kesên xwe wek polîs û endamên MÎT’ê didin nasîn sîxûriyê li rêveber û endamên wan ferz dikin û wan HDP’iyan sîxûrî li wan hatiye ferzkirin gotin heke tiştek were serê wan dewlet berpirsiyar e.&nbsp;

	&nbsp;

	Rêxistina HDP’ê ya Bajêr a Stenbolê têkildarî polîtîkaya lêferzkirina sîxûriya ya demên dawî li ser rêveber û endamên Meclîsa Ciwanan tê kirin, li avahiya Komeleya Mafê Mirovan (ÎHD) a Şaxa Stenbolê civîn çapemeniyê li dar xist. &nbsp;

	&nbsp;

	Parlamentera HDP’ê ya Stenbolê Oya Ersoy, Hevseroka Rêxistina HDP’ê ya Stenbolê Elîf Bûlût û 3 endamên Meclîsa Ciwanan a HDP’ê ku sîxûrtî li wan hatiye ferzkirin û rêvebera ÎHD’ê Leman Yûrtsever beşdarî civînê bûn.&nbsp;

	&nbsp;

	LÊFERZKIRINA SÎXÛRTIYÊ ZÊDE BÛYE&nbsp;

	&nbsp;

	Rêvebera ÎHD’ê Yûrtsever ewilî axivî û diyar kir ku têkildarî lêferzkirina sîxûrtiyê serlêdanên ji bo komeleya wan zêde bûne û ferzkirina sîxûrtiyê wek salên 90’î bi polîtîkaya dewletê re didome. Yûrtsever got roj li nîvro ew kesên xwe wek MÎT û polîsan didin nasîn sîxûrtiyê ferz dikin û ew ê jî vê mijarê ji nêz ve bişopînin.&nbsp;

	&nbsp;

	‘HEMAN RÊBAZ DI DEWRÊ DE NE’&nbsp;

	&nbsp;

	Hevseroka HDP’a Stenbolê Elîf Bûlût jî da zanîn ku her cara ku pergala dewletê dixetime serî lir ê û rêbazên berê dide û çawa ku berê ev polîtîka bi kêrî tiştekî nehat îro jî wê bi ser nekeve û dê rê nedin vê polîtîkayê.&nbsp;

	&nbsp;

	‘WÊ KES SERÎ NETEWÎNE’&nbsp;

	&nbsp;

	Parlamentera HDP’ê ya Stenbolê Oya Ersoy jî destnîşan kir ku bi salane lêferzkirina sîxûrtiyê ya polîtîkaya dewletê ye didome û heta yek ji wan bimîne dê li hember vê rejîmê serî netewîne.&nbsp;

	&nbsp;

	‘GEF LI MALBATA MIN JÎ XWARIN’&nbsp;

	&nbsp;

	Endamê Meclîsa Ciwanan a HDP’ê Mûsa Taştan ê bi sîxûrtiyê re rûbirû ma jî diyar kir ku ji roja ew bûye endamê HDP’ê kesên xwe wek endamên MÎT’ê û polîsan didin nasîn gefan lê dixwîn û di heman demê de gefan li malbata wî jî dixwin. Taştan got polîs bertîlê jî teklîfî wî dikin û piştî ew qebûl nake gef û heqaretên giran lê dikin.&nbsp;

	&nbsp;

	‘WESAYÎT Û DIKANAN BIŞEWITÎNE’&nbsp;

	&nbsp;

	Rêveberê Rêxistina HDP’ê ya Navçeya Sûltangaziyê Cîhan Çîtgez jî diyar kir ku sê roj berê 4 kesên bi rûpoş ku xwe endamên îstîhbaratê dan nasîn li wesayîtek siwar kirine û wî revandine. Çîtgez got wan kesan gef û heqaret lê xwarine û kirine û lêdane. Çîtgez da zanîn ku wan kesan jê re gotiye “tu wesayîtan û dikanan bişewitîne tu serbest î” û sîxûriyê lê ferz kirine. Çîtgez anî ziman ku piştî teklîfa sîxûrtiyê lê kirine û wî qebûl nekiriye piştî demek dirêj berdane.&nbsp;

	&nbsp;

	‘DEWLET BERPIRSIYAR E’&nbsp;

	&nbsp;

	Ji endamên HDP’ê Ozer Yildirim jî destnîşan kir ku 4 kesên xwe wek endamên îstîhbaratê dane nasîn wî revandine û birine cihek xalî û pişt re sîxûrtî lê ferz kirine. Yildirim da zanîn ku heke tiştek ji wan bibe berpirsiyarê wê dewlet e û wek din jî berpirsiyar kesek din nîne.&nbsp;

	&nbsp;

	Piştî civîna çapemeniyê ciwanên HDP’yî çûn dozgeriyê gilî kirin.&nbsp;

	&nbsp;

	&nbsp;