
Mexdûrên KHK’ê ber bi Enqereyê ve dest bi meşê kirin 

2020-09-02 15:23:10


	&nbsp;

	STENBOL – Cemal Yildirim, Muhammet Semîh Karaoglû û Resûl Kalyoncû yên bi KHK’ê hatin îxrackirin tevî hemû astengiyan jî ji Stenbolê ber bi Enqereyê ve dest bi meşê kirin.&nbsp;

	&nbsp;

	Cemal Yildirim, Muhammet Semîh Karaoglû yên bi Biryarnameyên di Hukmê Qanûnê de )KHK) hatin îxrackirin û Resûl Kalyoncû yê ne îxrackirî jî piştevaniyê da wan û bi daxwaza “maf û edaletê” tevî astengiyan hemû jî ji Stenbolê ber bi Enqereyê ve derketin rê. Beriya meşê li navçeya Kadikoya Stenbolê daxuyanî dan. Parlamenterê HDP’ê yê Kocaeliyê Omer Farûk Gergerlîoglû yê hatibû îxrackirin û Parlamenterê HDP’ê yê Stenbolê Mûsa Pîroglû jî piştevanî dan van karmendên îxrackirî.&nbsp;

	&nbsp;

	‘KHK QIRKIRIN E’&nbsp;

	&nbsp;

	Cemal Yildirim diyar kir ku ew çar sal in li edaletê digerin û got: “KHK di heman demê de qikirina li dijî me ye. Qirkirina wan didome lê em ê teslîmî wan nebin.”&nbsp;

	&nbsp;

	Resûl Kalyoncû yê piştevaniyê da wan jî diyar kir kul i dijî pergala faşîst dem dema yekîtî û têkoşîna bi hev re ye.&nbsp;

	&nbsp;

	DAXWAZA HEMÛ CIVAKÊ YE&nbsp;

	&nbsp;

	Muhammet Semîh Karaoglû jî da zanîn ku daxwaza wan tenê ne ji bo wan di heman demê de ew vê daxwaza xwe ya edalet û maf ji bo hemû civakê dixwazin.&nbsp;

	&nbsp;

	JI BO BERXWEDANÊ&nbsp;

	&nbsp;

	Parlamenter Gergerlîoglû jî bal kişand ser girîngî û wateya meşê û ew ji bo li ber xwe bidin li vir in û ew li cem van meşvanan cih digirin.&nbsp;

	&nbsp;

	Parlamenter Pîroglû jî anî ziman ku lêgerîna edaletê lêgerînek ji bo her kesê li dijî îqtîdarê ye.&nbsp;

	&nbsp;

	Piştî axaftinan her sê kes ji Stenbolê ber bi Enqereyê ve dest bi meşê kirin.&nbsp;

	&nbsp;