
Hevşaredarê Êlihê Demîr bi modela ‘hevserokatiyê’ tê sûcdarkirin 

2020-09-04 09:57:38


	AMED – Derbarê Hevşaredarê Êlihê Mehmet Demîr ê qeyûm tayînî şûna wî hat kirin û niha girtî ne bi hêceta modela hevserokatiyê û banga çalakiya deng derxistinê ya li dijî qeyûm bi daxwaza ji 7 sal û nîvan heta 15 salan cezayê girtîgehê îdianame hat amadekirin.

	&nbsp;

	Derbarê Hevşaredarê Êlihê Mehmet Demîr ê di 23’ê adarê de qeyûm tayînî şûna wî hat kirin û di 27’ê tîrmehê de hat girtin lêpirsîna hatibû destpêkirin temam bû. Serdozgeriya Komarê ya Amedê îdianameya Demîr amade kir û di îdianameyê de tevlîbûna xebatên hilbijartina xwecihî, delegbûna Kongreya Civaka Demokratîk û ji ber şaredariyê bi modela hevserokatiyê birêve biriye bi îdiaya “Endamê rêxistinê ye” ji 7 sal û nîvan heta 15 salan cezayê girtîgehê jê re hat xwestin.&nbsp;

	&nbsp;

	Di îdianameya ji 69 rûpelan pêk tê û di 52 rûpelan de cih dane sazûmaniya KCD, PKK, KCK’ê û lêpirsînên berê yên derbarê KCD’ê bûne mijar cih digirin.&nbsp;

	&nbsp;

	GOTINA “QEYÛM ZILM E’ JÎ KIRINE SÛC&nbsp;

	&nbsp;

	Tevlîbûna Demîr a çalakiyên li dijî qeyûman wek sûc hatiye dîtin û ji ber Demîr tayînkirina qeyûman wek zilmê dîtiye ev yek jî kirine sûc. Her wiha di îdianameyê de banga Demîr a ji bo çalakiya deng derxistinê ya li dijî qeyûman de jî wek sûc hatiye dîtin. Birêvebirina şaredariyê ya bi modela hevserokatiyê jî ji Demîr re kirine sûc.&nbsp;

	&nbsp;

	HEVDÎTINÊN TELEFONÊ &nbsp;

	&nbsp;

	Di îdianemeyê de hatiye gotin li telefona Demîr hatiye guhdarkirin û ew ji ber hevdîtinên telefonê jî hatiye sûcdarkirin.&nbsp;

	&nbsp;

	LÊPIRSÎNA HATIBÛ GIRTIN DÎSA DANE DESTPÊKIRIN&nbsp;

	&nbsp;

	Lêpirsînek di sala 2018’an de derberê Demîr de hatibû destpêkirin û ku bi doznevekirinê bi encam bûbû ji nûve xistine meriyetê û di îdianameyê de bicih kirine.&nbsp;

	&nbsp;

	MA / Aydin Atay&nbsp;

	&nbsp;