
Platforma Jinan a Şahmeranê: Em ê li dijî her cureyên tundiyê bitêkoşin     

2020-09-05 19:42:29


	&nbsp;

	&nbsp;

	MÊRDÎN-&nbsp;Paltforma Jinan a Şahmeranê û Meclîsa HDP'ê ya Jinan, êrîşa nijadperest a li dijî karkerên kurd şermezar kir.

	
		&nbsp;
	
		Li navçeya Qoser a Mêrdînê Paltforma Jinan a Şahmeranê û Meclîsa HDP'ê ya Jinan, têkildarî êrîşa nijadperest a li dijî karkerên kurd ku li Sakaryayê pêk hatibû li avahiya HDP'ê ya Qoserê daxuyanî da çapemeniyê. Daxuyanî ji hêla rêvebira HDP'ê ya Mêrdînê Mûnevver Ûlker ve hat xwendin.
	
		&nbsp;
	
		'EV ÊRÎŞ LI DIJÎ MIROVAHIYÊ PÊK HATIYE'
	
		&nbsp;
	
		Ûlker, anî ziman ku sucê herî mezin nijadperestî ye û wiha axivî:" Em êrîşa nîjadperestî ya li dijî karkerên demsalî yên çûbûn Sakaryayê şermezar dikin. Ev êrîş ne tenê êrişa li dijî karkerên Mêrdînê ye, di heman demê de li dijî hemû kedkar û karkeran e. Polîtîkayên nîjadperest, mîlîtarîst ên dijî kurd nijadperestî û faşîzm li civakê geş kiriye û di rojên dawî de êrîşên giran li dijî kurdan pêk tên. Berpirsiyarê vê êrîşê hikûmeta AKP û MHP bixwe ye. Ev êrîş li dijî mirovahiyê pêk hatiye."
	
		&nbsp;
	
		Ûlker, axaftina xwe wiha bi dawî kir: "Em êrîşa ku li Sakaryayê li dijî karkerên demsalî yên kurd pêk hatiye şermezar dikin. Em jin, em ê li her qadê têkoşîna xwe ya li djîî her cureyên tundiyê bidomînin."


	&nbsp;