
Li Rihayê 2 qeymeqam ji wezîfeyê hatin girtin 

2020-09-07 12:15:36


	&nbsp;

	RIHA - Piştî qeymeqamên Farqîn û Giyadînê ji wezîfeyê hatin girtin, hat zanîn ku qeymeqamên navçeyên Karakopru û Kaniya Xezalan ên Rihayê jî ji wezîfeyê hatin girtin.&nbsp;

	&nbsp;

	Piştî ku Wezareta Karên Navxweyî qeymeqam û qeyûmên navçeyên Farqîn û Giyadînê ji wezîfeyê girt, hat zanîn ku Wezaretê Qeymeqamê Navçeya Karakopru ya Rihayê Ufuk Akil û Qeymeqamê Navçeya Kaniya Xezalan a Rihayê Hamza Ozer jî ji wezifeyê girtiye.&nbsp;

	&nbsp;

	Qeymeqam Ufuk Akil di heman demê de cîgirê Waliyê Rihayê bû. Cîgirê Waliyê Rihayê Abdullah Abîd Oztoprak tayînî şûna Akil hat kirin.&nbsp;

	&nbsp;

	Hat zanîn ku Qeymeqamê Heranê Cîhan Koç jî bi wekaletî tayînî şûna Qeymeqamê Kaniya Xezalan Hamza Ozer hatiye kirin.&nbsp;

	&nbsp;

	Tê gotin her du qeymeqam jî bi hêceta têkiliya wan bi Cemata Gulen re heye ji wezîfeyê hatine girtin.&nbsp;

	&nbsp;

	Wezareta Karên Navxweyî heta niha têkildarî ji wezîfe girtina qeymeqaman tu daxuyaniyek belav nekiriye.&nbsp;

	&nbsp;