
Ne kesên revandin li HDP’iya hat revandin doz vekirin 

2020-09-09 11:35:54


	&nbsp;

	&nbsp;

	WAN – Doznameya ku derbarê Endama Meclisa Partiyê ya HDP’ê Hatîce Buşra Kûyûn ku hatibû revandin û gef li hatibû xwarin de bi hinceta daxuyaniyên derbarê mijarê de hatibû amadekirin, hat qebûlkirin. &nbsp;&nbsp;

	&nbsp;

	Endama Meclisa Partiyê (PM) û Lîjneya Birêvebirinê ya Ciwanan (GYK) a HDP’ê Hatîce Buşra Kûyûn, di 4’ê gulanê de li ser Kolana Mereşê ya Wanê ji aliyê kesên ku xwe weke polis dabûn nasîn ve hatibû revandin û gef lê hatibû xwarin. Bi hinceta ku daxuyaniyên wê yên derbarê mijarê de doz li Kûyûn hat vekirin. Doznameya ku derbarê Kûyûn de bi angaşta “Sewqkirina gel a kîn û dijminahiyê” ji aliyê Serdzogeriya Komarê ya Wanê ve hat amadekirin, ji aliyê 7’emîn Dadgeha Cezaya Giran a Wanê ve hat qebûlkirin.

	&nbsp;

	GOTINÊN DERBARÊ BÛYERÊ SÛC HESIBANDIN&nbsp;

	&nbsp;

	Di doznameyê de hat destnîşankirin ku Kûyûn ji aliyê kesên nasnameya wan ne diyar ve hatiye revandin, kesên ku Kûyûn revandin peywirdarên cemaweriyê ne û Kûyûn giliya wan kiriye. Di doznameyê de qala hûrgiliyên kêliya revandinê nehatiye kirin û cih ji daxuyaniyên Kûyûn, “Em vê zihniyete ji salên 1990’î ve nas dikin. Tişta tenê guheriye wesayîtên Toros in. Ji wê rojê ve heta niha li ser kurdan, ciwan û jinên wan operasyonên qirkirina siyasî tên domandin. ” ên piştî bûyerê re hatiye veqetandin û weke sûc hatine hesibandin.&nbsp;

	&nbsp;

	Li aliyê din balkêş e heta niha derbarê kesên ku Kûyûn revandin ve tu kirariyek nehatiye destpêkirin.&nbsp;

	&nbsp;

	&nbsp;

	&nbsp;

	&nbsp;

	&nbsp;