
Danişîna rojnamevanan dest pê kir 

2020-09-09 12:13:03


	&nbsp;

	STENBOL – Rojnamevanên ji doza nûçeya endamê MÎT’ê yê li Lîbyayê jiyana xwe ji dest dabû tên darizandin cara duyem li pêşberî dadger in. Danişînê dest pê kir. &nbsp;&nbsp;

	&nbsp;

	Danişîna duyemîn a doza rojnamevanên ji çêkirina nûçeya merasîma cenazeyê endamê MÎT’ê yê li Lîbyayê jiyana xwe ji dest dabû tên darizandin dest pê kir. Danişîn li 34’emîn Dadgeha Cezayê Giran a Çaglayana Stenbolê tê lidarxistin. Beriya danişînê rêxistinên rojnamevanan daxuyanî dan. Parlamenterên HDP’ê û CHP’ê û nûnerên sîndîkaya, cemiyet û rêxistinên rojnamevanan û gelek rojnamevan beşdarî daxuyaniyê bûn.&nbsp;

	&nbsp;

	Rojnamevan Ferhat Çelîk, Aydin Keser, Bariş Terkoglû negirtî tên darizandin û rojnamevan Bariş Pehlîvan, Hulya Kilinç û Mûrat Agirel girtî tên darizandin. Rojnamevan Erk Acarer jî tê darizandin lê li derveyî welat e. Her wiha kesek ne rojnamevan jî ji dozê tê darizandin.&nbsp;

	&nbsp;

	ROJNAMEVANAN DIKIN ARMANC&nbsp;

	&nbsp;

	Sekrtera Giştî ya Cemiyeta Rojnamevanên Tirkiyê (TGC) Sîbel Guneş diyar kir ku rojnamevanî ne xebatek casûsiyê û terorê ye û got: “Îqtîdar ji bo nûçeyê asteng bike, hevalê me ji xwe re kiriye armanc. Êriş li dijî rojnamevanan tê kirin. Êrişkar bêceza dimînin. Heta îro 750 rojnamevan ketin girtîgehê û derketin. Niha 75 rojnamevan di girtîgehê de ne. Îro 3 hevalên me ji vê dozê tên darizandin 6 meh in neheqî di hepsê de ne. Em dixwazin hevalên me demildest werin berdan.”&nbsp;

	&nbsp;

	EREN: AZADÎ NÎNE&nbsp;

	&nbsp;

	Serokê Basin-Îş’ê ya DÎSK’ê Farûk Eren jî diyar kir ku azadiya çapemeniyê xistine bin pêyan û heta azadiya çapemeniyê pêk were dê têbikoşin û rojnamevanî ne sûc e.&nbsp;

	&nbsp;

	'EM BI BIRYAR IN’&nbsp;

	&nbsp;

	Rojnamevan Bariş Terkoglû yê ji dozê tê darizandin û di danişîna ewil de hatibû berdan jî da zanîn ku zîhniyeta ku bi hêcetên pûç rojnamevanan digire çiqas bi biryar be, ew jî ewqas bi biryar in û sê hevalên wan Bariş Pehlîvan, Murat Agirel û Hulya Kilinç 6 meh in di Girtîgeha Sîlîvriyê de ne. Terkoglû anî ziman ku ew ji ber nûçeyek ku Serokkomar bi xwe jî eşkere kiriye tên darizandin û lê ew ê her tim rastiyê bêjin.&nbsp;

	&nbsp;