
Li cihê darbe lê hat ragihandin bang kirin: 12’ê Îlonê didome   

2020-09-12 13:19:25


	NAVENDA NÛÇEYAN – Seroka Şaxa ÎHD’a Stenbolê Gulseren Yolerî li cihê ku darbeya 12’ê Îlonê lê hatibû ragihandin bangî îqtîdarê kir û xwest ji bo pêşîlêgirtina darbeyan divê Qanûnek Bingehîn a ku demokratîkbûnê û azadiyan esas digire were çêkirin.&nbsp;

	Komeleya Mafê Mirovan (ÎHD) a Şaxa Stenbolê di salvegera 40’emîn a darbeya leşkerî ya 12’ê Îlonê de li cihê ku darbe lê hat ragihandin li ber avahiya Radyoya TRT’ê ya li Taskîsam Stenbolê daxuyanî da çapemeniyê. Mafnas beşdarî daxuyaniyê bûn û pankarta “Di 40’emîn salvegera 12’ê Îlonê de ne darbe ne jî dîktatorî” vekirin.&nbsp;

	&nbsp;

	‘REJÎM OTORÎTER DIBE’

	&nbsp;

	Seroka Şaxa ÎHD’ê Gulseren Yolerî diyar kir ku darbeya 12’ê Îlonê didome û her ku diçe rejîma heyî ji rejîma 12’ê Îlonê dibihûre û otorîter dibe. Yolerî bangî îqtîdarê kir û xwest ji bo pêşîlêgirtina darbeyan divê Qanûnek Bingehîn a ku demokratîkbûnê û azadiyan esas digire were çêkirin. Yolerî got ew bang li AKP’êdikin ku bila eşkere bikin ew li dijî 12’ê Îlonê û darbeyan in.&nbsp;

	&nbsp;

	TTB: 40 SAL IN ŞEWB NEQEDIYAYE&nbsp;

	&nbsp;

	Konseya Navenda Odeya BijîşkênTirk (TTB) jî bi wesîleya salvegera darbeye daxuyaniyek nivîskî weşand û diyar kir ku 40 sal in welat bi şewbê tê birêvebirin û 40 sal in ev şewb neqediyaye. TTB’ê anî ziman ku nayê wê wateyê ku îqtîdar neyên guhertin û ew wek TTB’ê çawa duh li dijî 12’ê Îlonê û darbeyan bûn dê ji niha şûn ve jî li dijî 12’ê Îlonê û ferasete wê bin.&nbsp;

	&nbsp;

	DBP: KIRINÊN ÎRO DEWAMA FAŞÎZMA 12’Ê ÎLONÊ YE&nbsp;

	&nbsp;

	Partiya Herêmên Demokratîk (DBP) jî bi minasebeta salvegera darbeya leşkerî daxuyaniyek nivîskî weşand û da zanîn ku darbeya 12’ê Îlonê li dijî nirxên mirovahiyê pêk hat û li awayê jiyana nû ya mirovahiyê hatiye ferzkirin. DBP’ê diyar kir ku di armanca darbeya 12’ê Îlonê de ewilî kurd û muxalîf hebû û bi darbeyê hat xwestin nasnameya kurdbûnê ji holê were rakirin. DBP’ê destnîşan kir ku serdema û kiryarên 12’ê Îlonê îro jî di dewrê de ne û ji wê rojê ve dest ji van polîtîkayan nehatiye berdan. DBP’ê got tiştên îro bi serê civakê ve tên encama faşîzma 12’ê Îlonê ye.

	&nbsp;

	DÎSK: DARBE LI DIJÎ QADA KEDÊ PÊK HAT&nbsp;

	&nbsp;

	Konfedarasyona Sendîkayên Karkerên Şoreşger (DÎSK) bi wesîleya salvegera darbeyê li ber Îskeleya navçeya Kadikoya Stenbolê daxuyanî da çapemeniyê. Seroka Giştî ya DÎSK’ê Arzû Çerkezoglû û rêveber û karker beşdarî daxuyaniyê bûn. Çerkezoglû daxuyanî da û darbeyê şermezar kir. Çerkezoglû diyar kir ku ew li dijî darbeya ku li ser qada ked û karkeran pêk hatiye ne û sendîkaya wan bedelên giran di serdema darbeyê de daye. Çerkezoglû got ew ê her li dijî darbeyê bin û têkoşîna xwe ya li dijî darbeyan bidomînin.&nbsp;

	&nbsp;