
Piştî êşkenceyê rapora ‘ji bilindahiyê ketiye’ dan welatî 

2020-09-17 13:13:48


	&nbsp;

	WAN – Di rapora Servet Tûrgût ê li nexweşxaneyê derket holê ku di binçavan de ye wiha hatiye gotin “Nexweşê bênav bi sedema ji bilindahiyê de ketiye anîne.”&nbsp;

	&nbsp;

	Li navçeya Şaxê ya Wanê eskerên derketibûn operasyonê di 11’ê îlonê de Servet Tûrgût (55) ê bavê 7 zarokan û Osman Şîban (50) ê bavê 8 zarokan binçav kirine. Piştî du rojan derket holê ku ew li Nexweşaneya Perwerdehiyê û Lêkolînê ya Wanê di binçavan de ne. Ji ber êşkence li wan hatiye kirin li nexweşxaneyê tên ragirtin. Malbatên wan jî li ber nexweşxaneyê sekinîne.&nbsp;

	&nbsp;

	RAPOREK SOSRET

	&nbsp;

	Li aliyê din piştî raporek sosret ji bo Osman Şîban amade kirin vê carê jî raporek sosret ji bo Servet Tûrgût jî hat amadekirin. Di rapora lêdanê de wiha hatiye nivîsandin: “Nexweşê bênav bi sedema ji bilindahiyê de ketiye anîne. Nexweşê entubeyê.”&nbsp;

	&nbsp;

	Tê gotin ev agahî dema her du welatî ne li ser hişê xwe bûne ji aliyê eskeran ve hatine dayîn.&nbsp;

	&nbsp;

	&nbsp;

	Di dewama raporê de hat gotin çavên wî û guhên wî zirar dîtine, her du destên wî û sînga wî jî birîndar bûne.&nbsp;

	&nbsp;