
Osman Şîban bi darê zorê rakirin nexweşxaneya leşkerî 

2020-09-22 08:17:01


	WAN – Osman Şîban ê li Şaxê ji helîkoptêrê hatibû avêtin û du roj berê ji nexweşxaneyê hatibû derxistin, vê sibehê polîsan hat wî bir nexweşxaneya leşkerî. &nbsp;&nbsp;

	Li navçeya Şaxê ya Wanê di 11’ê îlonê de eskeran welatiyê bi navê Servet Tûrgût û Osman Şîban binçav kiribû. Piştî du rojan li nexweşxaneya Wanê derketibûn holê ku hatine binçavkirin. Di rapora nexweşxaneyê de hatibû destnîşankirin ku her du welatî ji helîkoptêrê hatine avêtin û êşkence li wan hatiye kirin. Osman Şîban beriya du rojan ji nexweşxaneyê hatibû derxistin û li malê bû. Polîsan vê sibehê bi ser malê de girt û li ser daxwaza Serdozgeriya Wanê Şîban birin nexweşxaneya leşkerî. Nayê zanîn derbarê Şîban de biryara binçavkirinê heye an nîne.&nbsp;

	&nbsp;

	Şîban ji ber êşkenceya lê hatiye kirin hişê wî ne li serê wî bû û heta niha derbarê bûyerê de îfadeyên wî nehatiye girtin.

	&nbsp;&nbsp; &nbsp;

	&nbsp;

	&nbsp;