Biryara sînorkirina hevdîtinê ya 24 saetan danîn ser HDP’iyan 

2020-09-25 13:51:43


	ENQERE – Ji bo siyasetmedarên di çarçoveya “Lêpirsîna Kobanê” de vê sibehê hatin binçavkirin, biryara 24 saet sînorkirina hevdîtinê ya parêzeran hat dayîn. 

	 

	Di “Lêpirsîna Kobanê” ya ji aliyê Serdozgeriya Komarê ya Enqereyê li dijî HDP’iyan hat despêkirin û biryara binçavkrina 82 kesan hat dayîn. Operasyon li 7 bajaran hat birêvebirin. Endamên MYK’a HDP’ê yên 2014’an di nav de gelek siyasetmedar hatin binçavkirin. Lêpirsîn bi boneya bûyerên 6-8’ê cotmehê yên Kobanê hatiye birêvebirin.  

	 

	Derbarê siyasetmedarên hatin binçavkirin de biryara sînorkirina hevdîtina parêzeran a 24 saetan hat dayîn. Hat îdiakirin ku biryara sînorkirinê ji bo “tunekirin û reşkirina delîlan” hêcet hatiye nîşandan. 

	 

	Hat zanîn ku lêpirsîn bi îdiayên “Xerakirina yekîtî û tevahiya dewletê”, “Bi qestî kuştin”, “talankirin”, “ji azadiyê bêpar hiştin” û “xesarê dane mal û milk” derbarê HDP’iyan û siyasetmedaran de hatiye destpêkirin. 

	 

	ENDAMÊN MYK'A HDP'Ê YA WÊ DEMÊ 

	 

	Navên endamên Desteya Rêveberiya Navenda (MYK) HDP’ê yên 2014’an wiha ne: “Alî Urkut, Alp Altinors, Altan Tan, Arîfe Kose, Ayhan Bîlgen, Bayram Yilmaz, Berfîn Kose, Beyza Ustun, Bîrcan Yorulmaz, Bulent Parmaksiz, Can Memîş, Cîhan Erdal, Dîlek Yagli, Garo Paylan, Gulfer Akkaya, Gulser Yildirim, Gunay Kubilay, Hatîce Altinişik, Huda Kaya, Îsmaîl Şengul, Meral Daniş Beştaş, Nazmî Gur, Pervîn Odûncû, Sarûhan Olûç, Serpîl Kemalbay, Sezaî Temellî, Yurdusev Ozsokmenler, Zekî Çelîk, Zeynep Karaman, Fahrî Danişman, Kenan Kalyon.”