
Serokwezîrê 6-8’ê Cotmehê li Sancar geriya: Operasyon ne hiqûqî ye 

2020-09-26 15:04:20


	ENQERE – Serokê Giştî yê Partiya Pêşerojê Ahemt Davûtoglû bi boneya binçavkirina rêveberên HDP’ê yên niha û yên berê li Hevserokê Giştî yê HDP’ê Mîthat Sancar geriya. Sancar got “Pêwîste li dijî êrişan helwestek zelal were dayîn.” Davûtoglû jî got operasyona hatiye kirin ne hiqûqî ye.&nbsp;

	&nbsp;

	Serokê Giştî yê Partiya Pêşerojê Ahmet Davûtoglû bi boneya binçavkirina rêveberên HDP’ê yên niha û yên berê duh bi îdiaya çalakiyên Kobanê hatibûn binçavkirin, li Hevserokê Giştî yê HDP’ê Mîthat Sancar geriya.&nbsp;

	&nbsp;

	HDP’ê têkildarî mijarê daxuyanî da û got: “Serokê Giştî yê Partiya Pêşerojê Ahmet Davûtoglû yê di serdema 6-8’ê Cotmehê de serokwezîr bû, li dijî êrişên bi hêceta çalakiyên 6-8’ê Cotmehê ku ji partiya me tolê hiltînin, li Hevserokê me yê giştî Mîthat Sancar geriya.”&nbsp;

	&nbsp;

	SANCAR: DIVÊ HELWESTEK ZELAL WERE NÎŞANDAN&nbsp;

	&nbsp;

	HDP’ê diyar kir ku Hevserokê wan Sancar di hevdîtinê de destnîşan kiriye ev êriş tenê ne li dijî HDP’ê pêk tên û got: “Ev êriş li dijî muxalefetê hemû ye. Her kesê ji AKP’ê cudatir difikire di hedefe de ye. Pêwîste tevahiya hêzan li dijî van êrişan helwestek zelal nîşan bide.”&nbsp;

	&nbsp;

	DAVUTOGLÛ: NE HIQÛQÎ YE&nbsp;

	&nbsp;

	HDP’ê da zanîn ku Davûtoglû ji bo HDP’ê gotiye derbasî be û bi taybetî tiştên di 2014-2015’an de qewimîn gelek rehendê wê ehne û divê li ser qewimandinên di 6-8’ê Cotmehê de were axaftin. Davûtoglû anî ziman ku êrişa hatiye kirin “ne hiqîqî ye” û tiştên diqewmin zirarê dide welat û gavên ku Tirkiyê ber bi dewleta hiqûqê ve bibin werin avêtin.&nbsp;

	&nbsp;