
Girtina HDP’iyan û tayînkirina qeyûmê Qersê hat şermezarkirin 

2020-10-02 15:33:11


	NAVENDA NÛÇEYAN – Di daxuyaniyên têkildarî girtina siyasetmedarên HDP’yî de hatin dayîn, hat gotin li dijî zextan ew bi têkoşîna hevpar dikarin guhertinê pêk bînin û pêşî li zextan bigirin. &nbsp;

	&nbsp;

	Rêveberên Komeleya Mafên Mirovan (ÎHD) a Şaxa Stenbolê ji ber binçavkirin û girtina siyasetmedarên HDP’ê çûn serdana Rêxistina HDP’ê ya Stenbolê. Hevserokên HDP’a Stenbolê Elîf Bûlût û Erdal Avci û rêveberên HDP’ê şandeya ÎHD’ê pêşwazî kirin. Piştî serdanê daxuyanî hat dayîn.&nbsp;

	&nbsp;

	‘VÎNA GEL DI BIN ZEXTAN DE YE’

	&nbsp;

	Seroka Şaxa ÎHD’a Stenbolê Gulseren Yolerî diyar kir ku binçavkirin û girtin ne hiqûqî ye û got. “Dema meriv di warê mafên mirovan de lê dinêre mafê azadî, hilbijartin û hilbijêr hatiye binpêkirin. Ev operasyon tenê ne li dijî HDP’ê pêk hatiye. Îradeya dengê xwe dane Hevşaredarên Qersê xistine bin zextan. Îradeya bi milyonan însan di bin zextan de ye.”&nbsp;

	&nbsp;

	‘XEBATÊN ME WÊ BIDOMIN’&nbsp;

	&nbsp;

	Hevseroka HDP’a Stenbolê Elîf Bûlût jî destnîşan kir ku Qanûna Bingehîn û Meclîs bêfonksiyon hatiye hiştin û got: “Em dikarin bi têkoşîna hevpar û bi hev re van astengiyan li pêşiya xwe rakin. Em bêdeng û bi tenê nîn in. Her roj piştevaniya ji bo me zêdetir dibe. Dibe ku hevalên me hatibin girtin lê wê xebat û têkoşîna bidome.”

	&nbsp;

	WEQFA AŞTIYÊ: NÊÇÎRA PÎREBOKAN&nbsp;

	&nbsp;

	Weqfa Aştiyê jî têkildarî binçavkirin û girtinan daxuyaniyek nivîskî belav kir û di daxuyaniyê de hat gotin HDP 4 sal in bi “nêçîra pîrebokan” re rûbirû maye û ev binçavkirin û girtin bi fermana siyasî pêk tê.&nbsp;

	&nbsp;

	WAN&nbsp;

	&nbsp;

	Platforma Şaxan a KESK’a Wanê jî têkildarî operasyonên li dijî HDP’ê li avahya xwe civîn li dar xist û daxuyanî da çapemeniyê. Serokê Şaxa Egîtîm Senê ya Wanê Mûrat Atabay daxuyanî da û destnîşan kir ku ew ê jî bi her awayî li dijî girtin, dûrxistina ji wezîfeya HDP’iyan û qeyûman bisekinin.&nbsp;

	&nbsp;