
ÎHD: Divê çalakiyên Kobanê ji hemû aliyan ve bê lêkolînkirin

2020-10-06 12:36:15


	&nbsp;

	AMED - Şaxa ÎHD’ê ya Amedê, xwest ku binpêkirinên mafan ên di dema çalakiyên Kobanê de hatin jiyîn, ji hemû aliyan ve bên lêkolînkirin û lêpirsînek bi bandor bê destpêkirin.

	&nbsp;

	Şaxa Komeleya Mafê Mirovan (ÎHD) ya Amedê, bi boneya salvegera çalakiyên Kobanê yên 6-8’ê Cotmeha 2014’an, daxuyaniyek nivîskî weşand.&nbsp;

	&nbsp;

	Di daxuyaniyê de hat bibîrxistin ku, di çakiyên ji bo şermezarkirina êrîşên DAIŞ’ê yên li ser Kobanê û polîtîkayên hikumeta AKP'ê yên li dijî Kobanê de, ji 6'ê Cotmehê û pê ve di xwepêşandanan de 35 sivîl, 2 penaber, 2 polîs, 3 milîtanên rêxistina çekdar bi giştî 42 kesan jiyana xwe ji dest dan û 56 jê zarok 1128 kes hatin binçavkirin, 24 jê zarok 221 kes hatin girtin.&nbsp;

	&nbsp;

	Di daxuyaniyê de hat diyar kirin ku têkildarî bûyeran lêpirsî û lêkolîneke berfireh nehate kirin û wiha hat gotin: "Eşkerekirina kiryarên rastî li aliyekî, di encama operasyonên ku bi destê dadgeriya desthilatdariya siyasî ve hate kirin Hevserokên berê yên HDP'ê Selahattîn Demîrtaş û Fîgen Yuksekdag hatin girtin û herî dawî jî 20 siyasetmedarên HDP'î hatin destgîrkirin û 17 ji wan hatin girtin."

	&nbsp;

	ÎHD'ê xwest ku rastî bê aşkerekirin û têkildarî bûyeran lêpirsîneke berfireh û bi bandor bê meşandin.

	&nbsp;