
Li Amedê dest bi hilweşandina Mala Artêşê kirin 

2020-10-07 16:03:00


	&nbsp;

	AMED – Mala Artêşê (Ordu Evî) ya li Deriyê Çiyê ya Amedê ku demek wek biryargeha JÎTEM’ê bû û bûyerên failên nediyar li wir dihatin kirin tê hilweşandin. Tê îdiakirin ku gora Şêx Seîd jî li ber wê avahiyê ye.&nbsp;

	&nbsp;

	Mala Artêşê (Ordu Evî) ya ku serdemekê di destê JÎTEM’ê de bû tê hilweşandin. Mala Artêşê li Meydana Şêx Seîd (Deriyê Çiyê) ye. 13 qaten wê hene û bi salan e tu karûbar li vê avahiyê nayê kirin. Avahî ya ku bala her kesî dikişîne di çarçovaya biryara Wezareta Hawîrdor û Bajarvaniyê de tê xerakirin. Ev avahî di sala 1970’î de hatiye avakirin û di dema xwe de avahiya herî bilind a Amedê bû. Tê gotin dê şûna vê avahiyê bi ser Meydana Şêx Seîd ve were berdan.&nbsp;

	&nbsp;

	Hilweşandina avahiyê îro dest pê kir û rêyên di ber avahiyê de diçin ji çûnehatê re hatin girtin.&nbsp;

	&nbsp;

	GORA ŞÊX SEÎD&nbsp;

	&nbsp;

	Rêberê raperîna kurd a 1925’an Şêx Seîd û hevalên xwe li Meydana Deriyê Çiyê hatibûn darvekirin. Tê îdiakirin ku gora Şêx Seîd li ber Mala Artêşê hatiye veşartin.&nbsp;

	&nbsp;

	Her wiha tê gotin gelek cînayetên di salên 90’î de ji aliyê JÎTEM’ê ve hatin kirin li vê avahiyê pêk dihatin.&nbsp;

	&nbsp;