
Hevseroka HDP’a Rihayê Çetîner hat binçavkirin 

2020-10-10 15:27:55


	RIHA – Polîsan li Pirsûsê bernameya bîranîna ji bo qurbaniyên Komkujiya Enqereyê asteng kir û pişt re jî Hevseroka HDP’a Rihayê Emîne Çetîner binçav kirin.&nbsp;

	&nbsp;

	Rêxistinên civakî yên sivîl û HDP’ê xwest li Pirsûsê ji qûrbaniyên Komkujiya Gara Enqereyê Nîlgun Çevîk û Başak Sîdar Çevîk li ser gorên wan bibîr bînin. Leşkeran bîranîna li gundê Midêba Biçûk asteng kir. Hevserokên Rêxistina HDP’a Rihayê Mîkaîl Gozek û Emîne Çetîner, Hevserokê Şaxa Egîtîm Senê ya Rihayê Mahmût Bînîcî, Hevseroka Şaxa SES’ê Eylem Salar û gelek beşdarî bîranînê bûn.&nbsp;

	&nbsp;

	BÎRANÎN HATIN QEDEXEKIRIN

	&nbsp;

	Cendirmeyan ji girseyê re got “biryara qedexeyê heye” û li dar xistina bîranînê asteng kir. Li ser vêy kê di navber girseyê û cendirmeyan de gengeşe dest pê kir. Di gengeşeyê de dîmen û wêne girtina rojnamevanan jî hat astengkirin. Cendirmeyan tenê destûra malbatan da ku biçin ser goran. Malbatan bertek nîşanî polîsan da û qerenfîlan danîn ber cihê barîkatên leşkeran.&nbsp;

	&nbsp;

	Polîsan bîranîna ji qûrbaniyan Yilmaz Elmascan jî asteng kir. Polîsan xwest malbata Elmascan piştî nîvro tenê biçe ser gora kurê xwe.&nbsp;

	&nbsp;

	Hevserokê Egîtîm Sena Rihayê Mahmût Bînîcî bertek nîşanî astengkirina bîranînê da û got: “Nahêlin em biçin ser gorê fatîheyek jî bixwînin. Ev jî şerma we ye. Heke fatîheyek me welat dabeş dike, gotinek em bêjin nîne.”&nbsp;

	&nbsp;

	Girse piştî astengkirinê çûn serdana malbata Çevîk û Elmascan.&nbsp;

	&nbsp;

	HEVSEROK HAT BINÇAVKIRIN&nbsp;

	&nbsp;

	Piştî bîranînê Hevseroka Rêxistina HDP’ê ya Rihayê Emîne Çetîner ji di derketina ji Pirsûsê ji aliyê leşkeran ve hat binçavkirin. Çetîner a hêceta binçavkirina wî nehat zanîn birin Fermandariya Cendirmeyan a Navçeyê.&nbsp;

	&nbsp;