
Girtî Saçal: Ji bin banê qawîşê ava lexemê tê 

2020-10-17 09:08:46


	AMED - Suleyman Saçal ji Girtîgeha Turkoglû ya Jimare 1 a Tîpa L'yê ragihand ku binbanê qawîşên wan dilopan dikin û ji ber vê hin hevalên wan nexweş ketine.&nbsp;

	Girtî Suleyman Saçal, ji Girtîgeha Turkoglû ya Mereşê ya Jimare 1 a Tîpa L'yê telefonî apê xwe Mehmet Can Saçal kiriye û binpêkirinên mafan ên li girtîgehê ragihandiye. Saçal, gotiye ji binbanê qawîşên wan ava lexemê tê û ji ber vê gelek girtî nexweş ketine. Her wiha Saçal, ragihandiye ku ev yek ji rêveberiya girtîgehê re jî gotine, lê belê heya niha tiştek nehatiye kirin.&nbsp;

	&nbsp;

	'GIRTÎ NAYÊN TEDAWÎKIRIN'&nbsp;

	&nbsp;

	Saçal, aniye ziman ku hevalên wan ên nexweş nabin nexweşxaneyê û gotiye: "Gava wan dibin revîrê jî tedawî nakin. Armanc, di fermiyetê de bixuyê ku wan birine revîrê."&nbsp;

	&nbsp;

	Saçal diyar kiriye ku pirtûk, kovar û rojnameyan jî nadin wan û xwestiye rojek berî rojekê ev pêkanîn bi dawî bibin. Her wiha Saçal ragihandiye ku heger pirsgirêk neyên helkirin wê dest bi greva birçîbûnê bikin.&nbsp;

	&nbsp;

	Apê wî Mehmet Can Saçal jî bertek nîşan da û got: "Bi girtinê jixwe cez ali wan dibirin. Ligel vê tehdê jî li wan dikin. Ez vê tehde, heqaret û binpêkirinê fêm nakim."&nbsp;