
Ji bo Dozgîn Temo muebbeta giran hat xwestin 

2020-10-22 14:51:21


	&nbsp;

	RIHA – Di doza ku Dozgîn Temo ya hêzên paramîlîter ên girêdayî Tirkiyeyê wê birîndar kiribûn û radestî Tirkiyeyê kiribûn tê darizandin de dozger mutalaaya xwe aşkera kir û ji bo Temo muebbeta giran xwest.

	&nbsp;

	Danişîna sêyemîn a doza Dozgîn Temo (Çîçek Kobanê) ku dema êrîşên hêzên paramîlîter ên girêdayî Tirkiyeyê yên ser Bakur û Rojhilatê Sûriyeyê, li gundê Mişrefa yê Eyn Îsayê, ji aliyê heman hêzan ve hatibû birîndarkirin û radestî Tirkiyeyê hatibû kirin, li 5’emîn Dadgeha Cezaya Giran a Rihayê hat dîtin. Temo, ji Girtîgeha Tîpa T a Rihayê bi rêya SEGBÎS’ê tevlî danişînê bû û parêzera wê Hîdayet Enmek jî li danişînê amade bû.&nbsp;

	&nbsp;

	QEYDA BINÇAVKIRINÊ TUNEYE

	&nbsp;

	Temo, parastina xwe bi kurdî kir û destnîşan kir ku YPG’î ye lê tevlî tu pevçûnî nebûye û piştî ku hatiye girtin ji piyê xwe hatiye birîndarkirin. Piştî Temo parêzera wê Enmek jî parastina wê kir û da zanîn ku li gorî usûlê kirariya girtin nehatiye kirin û kesên ku kirariya girtinê kirine OSO’yî ne. Enmek, destnîşan kir ku rayeya vê komê ya girtina kesekî tuneye û li gorî xala 90’emîn a CMK’yê kirariya girtinê nehatiye kirin.

	&nbsp;

	DOZGER CEZA XWEST

	&nbsp;

	Piştî parastina parêzer, dozger mutalaaya xwe aşkera kir û ji Temo re cezayê muebbeta giran xwest.&nbsp;

	&nbsp;

	Parêzer Enmek ji bo parastina li dijî mutalaayê dema zêdek xwest.

	&nbsp;

	DANIŞÎN TALOQ BÛ

	&nbsp;

	Piştî navberdayînekê heyeta dadgehê daxwaza parêzera a ji bo parastinê qebûl kir, biryar berdewam girtina Temo da û danişînê taloqî 24’ê mijdarê kir.&nbsp;

	&nbsp;

	&nbsp;