
Ji Hevşaredara Sûrê re 15 sal ceza hat xwestin 

2020-10-26 13:57:11


	&nbsp;

	AMED – Dozgeriyê ji bo Hevşaredara Sûrê Fîlîz Bûlûttekîn ku ji peywirê hat girtin û bi angaşta “endamtiya rêxistinê” derbarê wê de doz hat vekirin, ji 7sal û 6 mehan heta 15 salan ceza xwest.

	&nbsp;

	Çaremîn danişîna doza ku bi angaşta “emdamtiya rêxistinê” li Hevşaredara Sûrê Fîlîz Bûlûttekîn ku ji peywirê hatibû girtin û qeyûmê tayînî şûna wê hatibû kirin hatibû vekirin, li 11’emîn Dadgeha Cezaya Giran a Sûrê hat dîtin. Bûlûttekîn û parêzerê xwe Sertaç Bûlûttekîn li danişînê amade bûn.

	&nbsp;

	DOZGER CEZA XWEST

	&nbsp;

	Di danişînê de dozgerê dozê mutalaaya xwe xwend û bi angaşta “emdamtiya rêxistinê” ji 7sal û 6 mehan heta 15 salan ji Bûlûttekîn re cezayê girtîgehê xwest.

	&nbsp;

	ŞAHIDIYA ŞAHIDÊ NEPEN QEBÛL NEKIRIN

	&nbsp;

	Fîlîz Bûlûttekîn û parêzerê xwe Sertaç Bûlûttekîn, şahidiya şahidê nepen qebûl nekirin daxwaza bereatê kirin.

	&nbsp;

	Heyeta dadgehê bêyî ku navber bide danişînê danişînî taloqî 22’ê sibata 2021’an kir.&nbsp;

	&nbsp;

	&nbsp;