
Tevlîbûna hevserokên HDP’a Amedê ya kongreya partiya wan bû sûc  

2020-11-02 16:14:26


	AMED –&nbsp;Tevlîbûna kongreya partiya wan a hevserokên HDP’a Amedê ku beriya çend rojan hatibûn girtin weke sûc hat hesibandin. Parêzerên hevserokan Serhat Eren, diyar kir ku çûna edliyeyê ya hevserokan jî bûye sûc.&nbsp;

	Hevserokên HDP’a Amedê Zeyat Ceylan û Hulya Alokmen Ûyanik ku di 22’ê cotmehê de di serdegirtina avahiya partiya xwe de hatibûn binçavkirin, piştî binçavkirina 8 rojan di 30’ê cotmehê de hatibûn girtin. Bername û çalakiyên partiya wan, serdanên wan ên nûnerên rêxistinên sivîl, wêne û belgeyên ku di serdegirtina avahiya wan de hatin desteserkirin derbarê hevserokan de bûn mijara sûc.

	&nbsp;

	‘PERÇEYEK PROJEYÊ YE’

	&nbsp;

	Parêzerên Ceylan û Ûyanik Serhat Eren, derbarê girtina wan de axivî û diyar kir ku dadgeha ku hevserokan darizandiye, biryara ku jê hatiye xwestine daye û wiha got: “Biryara girtinê perçeyek projeya dirêj a xitimandina xebatên HDP’ê ye. Bi vê projeyê tê xwestin ku girêdana HDP’ê û gel bê qutkirin. Destpêkê xwestin çalakiyên li ber HDP’ê asteng bikin lê bi serneketin. Niha jî hevserokan girtin.”

	&nbsp;

	ÇÛYÎNA EDLÎYEYÊ BÛYE SÛC

	&nbsp;

	Di berdewame de Eren, destnîşan kir ku çûyîna hevserokan a edliyeyê ya ji bo şopandina doza parlamenterên partiya wan weke sûc hatiye hesibandin û tevlîbûna wan a kongreya partiya wan jî bûye sûc.&nbsp;

	&nbsp;