
Ji ber dirûtina nîvîna xwe 10 meh ceza li hunermend Benlî birîn 

2020-11-07 09:45:41


	&nbsp;

	MÊRDÎN – Ji ber dirûtina nîvîna xwe bi angaşta “xesar dayîna malê cemaweriyê” 10 meh ceza li hunermend Erkan Benlî birîn.

	&nbsp;

	Hunermend Erkan Benlî, di 24’ê mijdara 2016’an de dema qedexeyên derketina derve ya li navçeya Nisêbînê ya Mêrdîne hatibû binçavkirin û piştre jî hatibû girtin. Erkan Benlî, dema ku li Girtîgeha Tipa T a Tokatê dihat girtin, ji ber ku nivîna xwe ya qetiyayî dirûtibû, 8 roj cezayê hucreyê lê hatibû birîn. Lêpirsîna ku bi angaşta “xesar dayîna malê cemaweriyê” derbarê Benlî de hatibû destpêkirin, bi dawî bû û di darizandina ku di çarçoveya lêpirsînê de hat kirin de 10 meh ceza li Benlî hat birîn.&nbsp;

	&nbsp;

	Benlî, cezayê ku lê hatiye birîn bi rêya telefonê ji malbata xwe re ragihand.

	&nbsp;

	Di çarçoveya Doza Nisêbînê de cezayê muebbeta giran û 20 sal û 3 meh cezayê girtîgehê hatibû birîn.&nbsp;

	&nbsp;

	&nbsp;