MEBYA-DER: Daxwazên girtiyan qebûl bikin

2020-11-07 14:09:11


	 

	WAN – MEBYA-DER’ê bi daxuyaniyekê bal kişand ser rewaş girtiyên ku ji bo bi dawîbûna binpêkirina mafê wan ketine greva birçîbûnê û daxwaz kir ku daxwazên girtiyan bên qebûlkirin. 

	 

	Di 14’ê îlonê de girtiyên li Girtîgeha Tîpa F a Wanê ji bo pêkanînên Rewşa Awarte yên li hemberî wan bi dawî bibin, bi awayekî dorveger ketin greva birçîbûnê. Ji vê rojê  ve greva birçîbûna ya girtiyan didome ji hêla qebûlkirina daxwazên wan ve tu pêşketine çênebûye. Komeleya Çand, Piştevanî û Alîkariyê ya Kesên li Dergûşa Şaristaniyê Xizmên Xwe Winda Kirine (MEBYA -DER), li avahiya HDP’ê ya Wanê derbarê rewşa girtiyan de daxuyanî da. Parlamenterê HDP’ê yê Wanê Mûrat Sarisaç, nûnerên TÛHAY-DER’ê û gelek kes tevlî daxuyaniyê bûn. 

	 

	BANGA LI RÊXISTINÊN SIVÎL

	 

	Rêveberê MBYA-DER’ê Cîhat Aksû, di daxuyaniyê de axivî û bal kişand ser rewşên girtîgehan û destnîşan kir ku ji ber şertên li girtîgehan girtî bi binpêkirinên mafan re rûbirû dimînin. Aksû, bi lêv kir ku li cihê binpêkirin hebin lêgerîna mafan jî heye û ev tişt gotin: “Ji bo bi dawîbûna binpêkirinên mafan girtî weke asta dawîn ketine greva bîrçîbûnê. Daxwazên mafdar û meşru yên girtiyan hene. Rêxistinên sivîl bi awayekî têrker nabin dengên girtiyan. Em bang li hemû rêxistinên sivîl ên Wanê dikin ku bibin dengê girtiyan. Div^edemildest daxwazên girtiyan bên qebûlkirin û binpêkirinên mafan bên bidawîkirin.”