
Yek ji kesên ku bi çeka cerdevanan birîndar bûbûn jiyana xwe ji dest da 

2020-11-14 13:49:03


	&nbsp;

	MÊRDÎN – Hamît Ozkan ku li navçeya Şemrexê bi çeka cerdevanan giran birîndar bûbû, jiyana xwe ji dest da.&nbsp;

	&nbsp;

	Di 11’ê mijdarê de li gundê Xirbê Kurikê yê navçeya Şemrexê ya Mêrdînê, Cevdet Ozkan û xizmên xwe, ji ber nelihevkirineke li ser erd bi çekên xwe yên cerdevaniyê êrişî hin xizmên xwe kiribûn û yek jê giran 3 kesan birîndar kiribûn. Hamît Ozkan ku yek ji van birîndaran bû, li Nexweşxaneya Dewletê ya Mêrdînê ku dihat tedawîkirin, rizgar nebû û jiyana xwe ji dest da.&nbsp;

	&nbsp;

	Cenazeyê Ozkan, piştî karên otopsiyê ji bo ku bê veşartin ber bi gundê wî Xirbê Kurikê ve hat şandin.&nbsp;

	&nbsp;

	Hamdiye Ozkan ku di heman êrişê de birîndar bûbû jî tedawiya wê didome.&nbsp;

	&nbsp;

	TENÊ KESEK HAT GIRTIN

	&nbsp;

	Cevdet Ozkan ku êriş pêk anî re 2 kes bi şertên kontrola edlî hatin berdan û kurê Ozkan Kadrî Ozkan (19) hat girtin. Hat hînbûn ku Ozkan êrişê li xwe daniye û li ser vê yekê biryara girtina wî hatiye dayîn û şandine girtîgehê.&nbsp;

	&nbsp;

	ÇEK ÊN CERDEVANAN IN

	&nbsp;

	Derketibû holê ku çekên bi wan êriş pêk hatiye çekên cerdevanan in. Ji êrişkaran Cevdet Ozkan, ji aliyê gundiyan ve weke “cerdevanê veşarî” tê nasîn û di sala 2008’an de jî bi heman rengî êriş pêk aniye û 5 kesan birîndar kiriye. Ji ber vê bûyerê 12 sala cezayê girtîgehê li Ozkan hatiye birîn û di sala 2015’an de hatiye girtin. Herî dawî bi Sererastkirina Înfazê ku di meha nîsanê de ji aliyê AKP-MHP’ê ve hat derxistin Ozkan hatiye berdan.&nbsp;

	&nbsp;

	&nbsp;