
Dozger, bêyî ku parastina wan bê girtin ji bo Tûncel û Kişanak ceza xwest 

2020-11-18 17:26:56


	&nbsp;

	MELETÎ – Di danişîna doza siyasetmedarên jin ên kurd Sebahat Tûncel û Gultan Kişanak de dozger bêyî ku parastina wan bê girtin ji bo Tûncel û Kişanak ceza xwest. Tûncel û Kişanak jî gotin ku ji ber vê helwestê dê parastin nekin.&nbsp;

	&nbsp;

	8’emîn danişîna doza siyasetmedarên jin ên kurd Hevseroka Giştî ya berê ya DBP’ê Sebahat Tûncel û Hevşaredara berê ya Amedê Gultan Kişanak, li Meletiyê hat dîtin. Tûncel û Kişanak, ji Girtîgeha Kandirayê, parêzeran wan Cemîle Tûrhalli, Mehmet Emîn Aktar, Mesût Beştaş ji Edliyeya Amedê û parêzer Sebahat Gençtarih jî ji Edliyeya Mersînê bi rêya SEGBÎS’ê tevlî danişînê bûn. &nbsp;&nbsp;

	&nbsp;

	DOZGER CEZA XWEST

	&nbsp;

	Di danişînê de dozger bêyî ku paastina Tûncel û Kişanak bê girtin, mutalaaya xwe pêşkêş kir û bi sûcdariya “rêveberiya rêxistinê” û “propagandaya rêxistinê” xwest Tûncel û Kişanak bên cezakirin.

	&nbsp;

	TÛNCEL Û KIŞANAK LI DIJÎ MUTALAAYÊ DERKETIN

	&nbsp;

	Tûncel û Kişanak, piştî pêşkêşkirina mutalaayê, mafê axaftinê girtin û bertek nîşanî mutalaaya ku bêyî girtina parastina hat peşkêşkirin dan û diyar kirin ku di doznameyê de xebatên wan ên siyasî bûna mijara sûc û ew vê yekê qebûl nakin. Her wiha ji ber vê helwesta dozgerê dozê gotin ku wê parastin nekin.&nbsp;

	&nbsp;

	JI PARASTINÊ DAXWAZA DEMÊ KIRIN

	&nbsp;

	Parêzer jî li dijî mutalaaya hat pêşkêşkirin derketin û ji bo parastina li dijî mutalaayê daxwaza dema zêde kirin.&nbsp;

	&nbsp;

	DANIUŞÎN TALOQ BÛ

	&nbsp;

	Heyeta Dadgehê daxwaza dema zêde ya parastinê ya parêzeran qebûl kir, biryara berdewema girtina Tûncel û Kişanak da û danişînî taloqî 6’ê çileya 2021’an kir.&nbsp;

	&nbsp;