
Dayika Kemal Kûrkût: Ev edaletek çawa ye?

2020-11-19 10:38:39


	MELETÎ – Dayika Kemal Kûrkût, Sîcan Kûrkût nerazîbûn nîşanî beraetkirina polîsê kujer ê kurê xwe da û got: “Çima edalet tune ye? Ev edaletek çawa ye, kesek ku ciwanekî dikuje serbest tê berdan? Em ê qet û qet vê biryara dadgehê qebûl nekin.”&nbsp;

	Dadgeha Amedê derbarê polîs Y.Ş. ê Kemal Kûrkût ku di Newroza 2017’an di têketina Qada Newrozê de kuştibû biryara beraetê da. Dayika Kûrkût, Sîcan Kûrkût bertek nîşanî biryarê da. &nbsp; &nbsp;

	&nbsp;

	Em çûn navçeya Battalgazî ya Meletiyê û me li deriyê dayik Sîcan Kûrkût xist û em biryara dadgehê li gel wê axivîn. Me şahidî kir ku dayika Kemal her sala ku diçe ji ber xem û kula kurê xwe zeîftir dibe. Dayik Sîncan Kûrkût li odeya lawê xwe Kemal ku heta niha destê xwe nedayê carek din hêrs û êşa xwe anî ziman.&nbsp;

	&nbsp;

	13 FOTOGRAFÊN KEMAL LI ODEYÊ NE&nbsp;

	&nbsp;

	Li odeya Kemal, pirtûk, kemana wî ku pirr jê hez dikir, pêlavên wî, compîtora wî û çenteyên û gelek tiştên din têde hene. Adeta ode wek muzeya Kemal xuya dike. Li vê odeyê tenê tiştek guheriyê ew jî bicihkirina 13 fotografên Kemal in.&nbsp;

	&nbsp;

	Li odeya kelûpelên Kemal lê ne helbesta “Strana berbangê (Şafak Turkusu)” a Nevzat Çelîk jî li ser kaxezek xwe dide xuyakirin.&nbsp;

	&nbsp;

	‘EV EDALETEK ÇAWA YE’&nbsp;

	&nbsp;

	Kûrkût da zanîn ku dema ew xebera biryara beraetkirina polîsê kujer dibihîze ji ser hişê xwe diçe û dibêje “Ev çawa edalet e, ev çawa dadgeh e, ev çawa dadger e? Min kurê xwe ne ji bo ew mişk wî bikuje mezin kir.”&nbsp;

	&nbsp;

	Kûrkût destnîşan kir ku polîs kurê wê kiriye nîşana xwe û wî qetil kiriye û got: “Em ê qet û qet vê biryara dadgehê qebûl nekin. Bêsûc û bêguneh berdan lawê min û wî kuştin. Heke sûcek wî hebe, wî binçav bikin û bigirin. Çavê we kor bibe, ma hûn nabînin? Çima hûn gule berdidinê. Kor bibin.”&nbsp;

	&nbsp;

	&nbsp;

	Kûrkût anî ziman ku her roja wê ya di nava bêcezakirina qatil û berpirsiyaran de di warê derûnî de hin bêtir xwe aciz hîs dike û got: “Berxikê min sêwî bû. Min wî û zarokên xwe din di nava feqîriyê de mezin kir. Çawa çê dibe gêncek 22 salî yê bêsûc dikujin û qatil jî ceza nakin.”&nbsp;

	&nbsp;

	‘BIRYAR TÊ MANEYA KU WÊ GELEK KES WERIN KUŞTIN’&nbsp;

	&nbsp;

	Kûrkût diyar kir ku her sala ku diçe ew hin bêtir bêriya Kemalê xwe dike û necezakirina kujerê Kemal dê pêşî li cînayetên nû veke û got: “Biryarên wisa tên maneya ku wê hêj polîs gelek gêncan bikujin. Wê ji xwe re bêjin ‘ji me re dimîne.’ Em ê dev ji doza xwe bernedin û pêşiya kujeran jî bernedin.”&nbsp;

	&nbsp;

	‘QATILÊ XWE NAS NEKIR’&nbsp;

	&nbsp;

	Kûrkût destnîşan kir ku lawê wê Kemal kesek hestiyar, bêzirar bû û got: “Kesek zirarê bidayê jî wî dengê xwe nedikir. Digot ‘ev tiştek ji min nakin û bela xwe li min nadin.’ Qatilê xwe nas nekir û ji wan re negot ‘ev zalim in, qatil in û bêwîjdan in’.”&nbsp;

	&nbsp;

	Kûrkût dazanîn ku gêncên mîna Kemal bêhejmar ji aliyê polîsan ve hatine kuştin û wiha got: “Çima li ser dilê rehet û kêfî gêncan qetil dikin? Heke wisa dewam bike wê kuştina ne ya ewil be û ne jî ya dawî be.”&nbsp;

	&nbsp;

	EDALETÊ BI BÎRA WEZÎR GUL XIST &nbsp;

	&nbsp;

	Kûrkût berevajî gotinên “Bila edalet cihê xwe bibîne, çi dibe bila bibe, bila qiyamet rabe” yên Wezîrê Dadê Abdulhamît Gul, di doza Kemal Kûrkût ku edaletê cihê xwe nedîtiye û ev ê qet vê qebûl nekin û got: “Çima edalet tune ye? Ev edaletek çawa ye, kesek ku ciwanekî dikuje serbest tê berdan?

	&nbsp;

	‘HEZKIRIYÊN WÎ BILA LI VIR BIN’&nbsp;

	&nbsp;

	Kûrkût herî dawî ji bo salvegera kuştina kurê xwe bang li hezkiriyên wî kir ku piştevaniyê nîşan bidin û got: “Me bi tenê nehêlin. Her kesê ku jê hez dike dixwazim di salvegera kuştina wî de li vir bin û li cem Kemalê min bin.”&nbsp;

	&nbsp;

	MA / Arjîn Dîlek Oncel – Mehmet Erol

	&nbsp;