
Li benda alîkariyê ne 

2020-11-20 09:01:12


	ÊLIH – Li Taxa Çamlica ya Êlihê, malbata Yuce ji ber rewşa aborî nikare debara xwe bike.&nbsp;

	Li Taxa Çamlica ya Êlihê malbata Yuce ku 9 kulfet in, nikare debara xwe bike. Ji ber şewbê, krîza aborî û bi hatine zivistanê rewşa malbatê xirab bûye. Bavê 7 zarokan Mehmet Şefîk Yuce yê 70 salî jî nexweş e. Nexweşîna qelb, tansyon û şekir pê re heye. Bav Yuce heya niha 2 caran anjiyo bûye û niha jî divê emeliyat bibe. Yuce, berê karê xurdeyan dikir, lê belê ji ber ku nexweşînên wî zor danê ji mecbûrî dev ji karê xwe berdaye û niha di nav ciya de ye. Îcar piştî şewba Covîd-19'ê belav bûye, rewşa malbatê xerabtir bûue. Dayik Kezîban Yuce, ji bo debara malê bike berê diçü paqijiya nav malan dikir.&nbsp;

	&nbsp;

	XANIYEKÎ KAVILBÛYÎ&nbsp;

	&nbsp;

	Yuce, di 2'yê Îlonê de bi şewbê ketiye û 14 rojan li nexweşxaneyê maye. Gava li enxweşxaneyê bûye, cîranên wê li zarokên wê mêze kirine. Yuce, piştî ji şewba Covîd-19'ê xelas dibe, vê carê jî ji bo hevjînê wê pê nekeve naşixule. Yuce, di xaniyekî hema bibêje kavilbûyî de dimîne û her meh 450 TL heqê kirê dide û mehê li dor 150 TL'yî heqê ceryanê û li dor 100 lîreyî jî heqê avê dide. 7 zarokên Yuceyê hene. Umrê zarokên wê 6, 8, 11, 12, 13, 14 û 15 ye. Sê zarokên wê hem diçin dibistanê hem jî dişixulin. Dayik Yuce, bi pereyê kurê xwe yê pêlavan boyax dike heqê kirê dide.&nbsp;

	&nbsp;

	Dayik Yuce, diyar kir ku nikare ji zarokên xwe re kincan bikire û got, ji ber ku zarokên wê bi pêlavên qetandî diçin dibistanê bi tehdeyeke derûniyî re rû bi rû dimînin.&nbsp;

	&nbsp;

	Yuce, destnîşan kir ku berî şewbê bi awayekî debara xwe dikirin û got: "Em li Mûşê, li gudekî diman. Lê ji ber nîqaşekê 15 sal berê em ji wir hatin Êlihê. Lê ji ber ku nexweşiya hevjînê min giran bûye, zêdetirî 3 sal in nikare bixebite. Lewma rewşa me ya aborî nebaş e. Gava em li gund bûn me çandinî û sewalvanî dikir. Lê li vê derê ew derfet tune ne. Ez dixebitîm. Lê belê bi hatine şewbê re êdî nikarim bixebitim."&nbsp;

	&nbsp;

	BANGAWAZÎ&nbsp;

	&nbsp;

	Yuce, anî ziman ku bi alîkariya cîranan debara xwe dikin û got, di zivistanê de dê rewşa wan xirabtir bibe. Yuce, bilêv kir ku metbaxa wan vala ye, derî û paceyên wan şikandî ne û got, heger alîkariyek çênebe vê zivistanê de hevjînê wê û zarokên wê bi mirinê re rû bi rû bimînin.&nbsp;

	&nbsp;

	Yuce ji bo alîkariyê bang li raya giştî kir.&nbsp;